დავით ბაქრაძე - მოსახლეობა ელოდება 31 ოქტომბერს, როგორც ცვლილებების შესაძლებლობას

„ევროპული საქართველოს“ ლიდერი, დავით ბაქრაძე, პარტიის ახალგაზრდულ ორგანიზაციასთან ერთად, თბილისში, ავლაბარში, მოსახლეობას კარდაკარის პრინციპით შეხვდა და მათ ცვლილებების გეგმა გააცნო. დავით ბაქრაძის თქმით, დღეს მოსახლეობაში უიმედობა და უპერსპექტივობაა, ხოლო ხელისუფლება ქვეყანას ამ მძიმე ჭაობში დარჩენას სთავაზობს.

როგორც მან აღნიშნა, სწორედ 31 ოქტომბერი მოუტანს თითოეულ მოქალაქეს გარდამტეხ ცვლილებებს და მეტ კეთილდღეობას.

„თბილისში „ევროპული საქართველოს“ აქტიური კამპანია გრძელდება. ადამიანებს ყველგან უნდათ და სჭირდებათ ცვლილებები. ქვეყანა ეკონომიკურ კრიზისშია, ხალხს აწუხებს უმუშევრობა, უიმედობა, უპერსპექტივობა და ყველა ელოდება 31 ოქტომბერს, როგორც ცვლილებების შესაძლებლობას. ეს არის მთავარი, რასაც „ევროპული საქართველო“ ჩვენს მოსახლეობას სთავაზობს. გარდამტეხი ცვლილებები ქვეყანას წაიყვანს წინ და მოუტანს ხალხს უკეთესობას. ეს განწყობაა თბილისშიც, რეგიონებშიც და დარწმუნებული ვარ, ეს განწყობა აისახება 31 ოქტომბრის საბოლოო შედეგებზე“, - განაცხადა ბაქრაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს