დავით გარეჯის საკითხის დახურდავება პიარულ, პოლიტიკურ, საარჩევნო თემად, არის მიუტევებელი, - ამის შესახებ "ლელოს” ერთ-ერთმა ლიდერმა, დავით უსუფაშვილმა განაცხადა.
მისივე თქმით, თუ ხელისუფლებას ამ საკითხზე რაიმე დამატებითი არგუმენტი გააჩნდა, უნდა გამოეყენებინა აზერბაიჯანთან მოლაპარაკებებში და არა ,,იმ ფონის შესაქმნელად, რომელიც მან შექმნა”.
„ქართულმა ოცნებამ” ეს თემა შემოაგდო ზუსტად იმიტომ, რომ ჩვენი დრო და ენერგია მოხმარდეს ამ თემაზე საუბარს და მიიჩქმალოს ბევრი სხვა მნიშვნელოვანი საკითხი. გარეჯის საკითხის დახურდავება პიარულ, პოლიტიკურ, საარჩევნო თემად არის მიუტევებელი და დარწმუნებელი ვარ, ხალხი „ოცნებას“ ამას არ მიუტევებს. თუ ამ თემაზე რამე დამატებითი არგუმენტი აღმოაჩნდა ხელისუფლებას აზერბაიჯანთან საქართველოსთვის სასიკეთო შეთანხმების მისაღწევად, ეს დოკუმენტი უნდა გამოიყენოს მოლაპარაკებებში და არა იმ ფონის შესაქმნელად, რომელიც მან შექმნა”, - განაცხადა დავით უსუფაშვილმა.