პარიზში, სკოლასთან მასწავლებელი მოკლეს

საფრანგეთში, პარიზის გარეუბანში, ვალდ-უაზის დეპარტამენტში მასწავლებელი მოკლეს. არსებული ინფორმაციით, მამაკაცს თავი მოჰკვეთეს. საქმეს პროკურატურის ანტიტერორისტული განყოფილება იძიებს. ამის შესახებ BFMTV იუწყება.

თავდამსხმელს პოლიციამ ესროლა. ინციდენტი ადგილობრივი დროით, 17:00 საათზე, სასწავლო დაწესებულების გვერდით მოხდა.

ადგილობრივი მედიის ინფორმაციით, წინასწარი ინფორმაციით, გარდაცვლილი მამაკაცი მასწავლებელი იყო, სავარაუდო მკვლელი - ერთ-ერთი მოსწავლის მშობელი.

არსებული ინფორმაციით, ცოტა ხნით ადრე, მოკლული თავისი მოსწავლეებისთვის სიტყვის თავისუფლების შესახებ გაკვეთილს ატარებდა და მათ წინასწარმეტყველ მუჰამედის კარიკატურა აჩვენა.

დანაშაულის ადგილზე იმყოფება საფრანგეთის პროკურატურის ანტიტერორისტული განყოფილების ხელმძღვანელი ჟან-ფრანსუა რიკარი. ადგილზე მისვლას აპირებენ პრემიერ-მინისტრი და საფრანგეთის შინაგან საქმეთა მინისტრი, რომელმაც მაროკოში ვიზიტი შეწყვიტა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს