არჩილ თალაკვაძე -  „ნაცმოძრაობა“ დღესაც ცდილობს, რომ რუსული საქმე აკეთოს

„ნაციონალურმა მოძრაობამ“ რუსული კვალი და რუსული საქმის კეთება საკუთარ ბიოგრაფიაში უნდა მოიკითხოს, მათ გაყიდეს სტრატეგიული ობიექტები რუსეთის კომპანიებზე, დაკარგეს ასობით სოფელი, დატოვეს ჯარისკაცები ბრძოლის ველზე, - ამის შესახებ პარლამენიტის თავმჯდომარემ არჩილ თალაკვაძემ ჟურნალისტებს სამეგრელოში განუცხადა, სადაც „ქართულმა ოცნებამ“ მაჟორიტარობის კანდიდატი წარადგინა.

როგორც თალაკვაძემ განაცხადა, ისინი ჯანსაღ ოპოზიციურ პარტიასთან ოპონირებას აპირებენ, თუმცა, ასეთი „ნაციონალური მოძრაობა“ არ არის.

„სიტყვით აცხადებენ, რომ ემსახურებოდნენ დემოკრატიას, სინამდვილეში, მათ ფეხქვეშ გათელეს ყველა დასავლური ღირებულება, დაწყებული ადამიანის უფლებებით, დამთავრებული მედიის თავისუფლებით. თუ ვინმე რუსულ საქმეს აკეთებდა ამ ქვეყანაში, რუსულ საქმეს აკეთებდა სწორედ „ნაციონალური მოძრაობა“. ისინი დღესაც ცდილობენ, რომ რუსული საქმე გააკეთონ, ძირი გამოუთხარონ ჩვენს დემოკრატიას და არჩევენებს, მაგრამ მათი პოტენციალი არის მილევად რეჟიმში და ისინი გავლენ პოლიტიკური ველიდან ამ არჩევნების შემდეგ... ჯანსაღი ოპოზიცია არის, ნებისმიერი ის პოლიტიკური ჯგუფი, რომელსაც სურს მშვიდი, საქმიანი პოლიტიკური სისტემა, ვინც ერთგულია თავისი ქვეყნის ევროპული და ევროატლანტიკური მისწრაფებების, იცავს ადამიანის უფლებების და დემოკრატიის პრიონციებს, ჩვენ ასეთ ოპოზიციასთან ოპონირებისთვის მზად ვართ, მაგრამ „ნაციონალური მოძრაობა“ ასეთი არ არის, ისინი მილევად რეჟიმში არიან და რა თქმა უნდა, მალე გავლენ პოლიტიკური ველიდან“, - განაცხადა თალაკვაძემ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს