„ედუქეარ ჯორჯიას“ პროექტი ევროპული სკოლისა და დავით ბეჟუაშვილის ფონდის მხარდაჭერით წარმატებით დასრულდა

„ედუქეარ ჯორჯიამ“ „ევროპული სკოლისა“ და დავით ბეჟუაშვილის ფონდის მხარდაჭერით, 304 სოფლის საჯარო სკოლაში ონლაინ განათლების შესახებ მოსწავლეებისთვის სპეციალური კურსი ჩაატარა.

პანდემიის დაწყებამდე 7600 მოსწავლეს პრეზენტაცია სამცხე-ჯავახეთში, კახეთში, გურიაში, იმერეთში შიდა ქართლსა და სამეგრელოში ჩაუტარდა. პრეზენტაციაზე „ედუქეარ ჯორჯიას“ წარმდგენებმა მოსწავლეებს გააცნეს მათთვის საინტერესო და ხელმისაწვდომი უფასო ონლაინ საგანმანათლებლო რესურსები, მათ შორის „ხანის აკადემია“. „ედუქეარ ჯორჯია“ უკვე რამდენიმე წელია, ინტერნეტისა და ტექნოლოგიების მეშვეობით, მსოფლიო დონის განათლების ხელმისაწვდომობის გაზრდაზე მუშაობს. აღნიშნულ ორგანიზაციებს შორის თანამშრომლობა ჯერ კიდევ 2018 წელს დაიწყო, როცა ევროპული სკოლისა და დავით ბეჟუაშვილის მხარდაჭერით, „ედუქეარ ჯორჯიამ“ „ხანის აკადემიის“ ფიზიკის კურსი სრულად გააქართულა.

„პანდემიის პირობებში, როცა მოსწავლეებსა და სტუდენტებს ხშირად დისტანციურად, დამოუკიდებლად უწევთ ეროვნული სასწავლო გეგმის ათვისება, კიდევ უფრო დიდი მნიშვნელობა შეიძინა „ევროპული სკოლისა“ და დავით ბეჟუაშვილის ფონდის დაფინანსებით განხორციელებულმა პროექტებმა. ამ ინიციატივების შედეგად ნებისმიერი ადამიანისთვის სრულიად უფასოდაა ხელმისაწვდომი წამყვანი საგანმანათლებლო პლატფორმის ფიზიკის სრული კურსი, ხოლო საქართველოს რეგიონების რამდენიმე ათასეულ მოსწავლეს გადაეცა ის აუცილებელი ცოდნა, რომელიც უფასო ონლაინ რესურსების მოსაპოვებლად და გამოსაყენებლადაა საჭირო“, - განმარტავენ „ევროპულ სკოლაში“.

„ხანის აკადემია“ წამყვანი ამერიკული საგანმანათლებლო პლატფორმაა. მასზე ნებისმიერ ადამიანს შეუძლია, სრულიად უფასოდ, საკუთარი ტემპით, გონიერი პლატფორმის დახმარებით ისწავლოს როგორც სასკოლო, ისე საუნივერსიტეტო დონის საგნები სახალისო ვიდეოების, სავარჯიშოებისა და სტატიების მეშვეობით. „ედუქეარ ჯორჯია“ პლატფორმას 2015 წლიდან თარგმნის და დღეისათვის ქართულ ენაზე ხელმისაწვდომია 5 ათასამდე ვიდეო და 8 მილიონზე მეტი სიტყვა ისეთ საგნებში, როგორიცაა მათემატიკა, ფიზიკა, ქიმია, ბიოლოგია და კომპიუტერული პროგრამირება. „ქართულ ხანის“ აკადემიას თვეში საშუალოდ 140 000 მომხმარებელი ჰყავს, სასწავლო წლის განმავლობაში ვებ-გვერდს 300 000-ზე მეტი ქართულენოვანი ვიზიტორი იყენებს. საერთო ჯამში, ვებ-გვერდს მილიონ ნახევარზე მეტი სტუმარი ჰყოლია. უშუალოდ ფიზიკის კურსს კი 87 000 მომხმარებელი ჰყავს.

(R)

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ