კახა კალაძე - არსებობენ პოლიტიკური პარტიები, რომლებსაც დიდი პასუხისმგებლობა აქვთ მოსახლეობის წინაშე, ასევე არსებობენ პარტიები, რომლებსაც არაფერი აინტერესებთ გარდა საკუთარი მიღწევებისა

თბილისის მერის კახა კალაძის განცხადებით, არსებული ეპიდემიური ვითარების ფონზე, კონკრეტული პარტიის ქმედებებით ჩანს მათი დამოკიდებულება ქვეყნის, საზოგადოებისა და მოსახლეობის მიმართ. მან ბათუმში „ერთიანი ნაციონალური მოძრაობის" მხარდამჭერების შეკრებაზე ისაუბრა და აღნიშნა, რომ აქცია პირბადეებისა და დისტანციის დაცვის გარეშე ჩატარდა.

„არსებობენ პოლიტიკური პარტიები, რომლებსაც ძალიან დიდი პასუხისმგებლობა აქვთ ქვეყნის მოსახლეობის წინაშე, ქვეყნის მართვაზე. არსებობენ პარტიები, რომლებსაც არაფერი აინტერესებთ ამ ქვეყანაზე, გარდა საკუთარი მიღწევებისა (ვიცოდით, რომ ისინი უპასუხისმგებლოები იყვნენ, მაგრამ ეს კიდევ ერთხელ დამტკიცდა) ნახეთ, როგორი აქცია ჩატარდა ბათუმში, ყოველგვარი პირბადეებისა და დისტანციის დაცვის გარეშე. თუმცა, როგორც ვიცი „ევროპულმა საქართველომ“ საერთოდ გააუქმა ამომრჩევლებთნ შეხვედრა, აქ გამოიხატება პარტიების მიდგომა და დამოკიდებულება როგორც ქვეყნის, ასევე საზოგადოებისა და მოსახლეობის მიმართ“,-განაცხადა კალაძემ.

როგორც მან განმარტა, არსებული ეპიდვითარების გათვალისწინებით, ხელისუფლებამ წერტილოვანი შეზღუდვები უკვე დააწესა. კალაძის თქმით, მთელი ქვეყნის ჩაკეტვა არ იგეგმება, როგორც ეს ვირუსის პირველი ტალღის დროს მოხდა.

„შეზღუდვები ახლაც არის წერტილოვანი. მაგალითად, თბილისი მასშტაბით დაახლოებით 30-მდე საბავშვო ბაღი დახურულია, რადგან იყო პრობლემები, ვირუსის გავრცელების საშიშროება და მაშინვე მივიღეთ ეს გადაწყვეტილება. ამ გადაწყვეტილებებს მივიღებთ წერტილოვნად და არა მთელი ქვეყნის ჩაკეტვით, როგორც ეს პირველი ტალღის დროს ხდებოდა“,-განაცხადა კალაძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს