„თავისუფალი საქართველოსთვის“ „ქართული ოცნების“ შიდა გამოკითხვის შედეგები ცნობილი გახდა, - ამის შესახებ ნათქვამია პარტიის მიერ გავრცელებულ ინფორმაციაში.
მათივე ცნობით, გამოკითხულ რესპონდენტთა ხმები ასე გადანაწილდა:
„პირველ ადგილზე, 36.3%-ით „ქართული ოცნება“ ლიდერობს. შემდეგ მოდიან: „ნაციონალური მოძრაობა“ – 26.4% , „ევროპული საქართველო“ – 8.5% , „ლელო“ – 5.3% , „სტრატეგია აღმაშენებელი“ (გიორგი ვაშაძე) – 5.3%, „პატრიოტთა ალიანსი“ – 4.2% , „თავისუფალი საქართველო“ (კახა კუკავა) - 3.2%, „ლეიბორისტული პარტია“ – 2.0, „გირჩი“ – 1.7%, „ერთიანი საქართველო“ (ნინო ბურჯანაძე) – 1.6%, მოქალაქეები (ალეკო ელისაშვილი) – 1.5%, სხვა პარტიები – 4%. გამოკითხულია - 3,720 ადამიანი. სავარაუდო აქტივობა - 2.300.000.
აღნიშნული გამოკითხვა კიდევ ერთხელ ნათლად აჩვენებს, რომ „ქართული ოცნებისთვის“ საკმაოდ კარგადაა ცნობილი საზოგადოებრივი აზრი და მისი განწყობა. ამის მიუხედავად, მმართველი პარტია დღესაც უხეშად მანიპულირებს, როდესაც სხვა კომპანიებს გამოსაქვეყნებლად სულ სხვა მონაცემებს აძლევს, რაც საბოლოო ჯამში, არჩევნების წინ, ამომრჩეველზე ფსიქოლოგიურ ზეწოლას ითვალისწინებს”, - ნათქვამია განცხადებაში.