ანა დოლიძე რასმუსენის ტრანსატლანტიკური კომისიის დათქმას შეუერთდა

დიდუბე-ჩუღურეთის დამოუკიდებელი მაჟორიტარი დეპუტატობის კანდიდატი ანა დოლიძე ტრანსატლანტიკური კომისიის დათქმას შეუერთდა, რომელიც არჩევნებში კეთილსინდისიერ მონაწილეობას გულისხმობს.

ანა დოლიძის თქმით, საერთაშორისო კომისიასთან თანამშრომლობა ქვეყნის დემოკრატიული განვითარებისთვის, არსებითად მნიშვნელოვანია.

„საერთაშორისო ორგანიზაციების დაკვირვება და აქტიურობა 2020 წლის არჩევნებზე, განსაკუთრებით მნიშვნელოვანია. მით უმეტეს ჩემთვის, როგორც დამოუკიდებელი კანდიდატისთვის, რომელსაც მთელი ადმინისტრაციული რესურსი უპირისპირდება და კოვიდპანდემიის პირობებში მისი გაკონტროლება სულ უფრო შეუძლებელი ხდება. ამიტომ საერთაშორისო კომისიასთან თანამშრომლობა, რომლის თავმჯდომარეც არის ისეთი აღიარებული პიროვნება, როგორიც რასმუსენია, ჩვენთვის და ჩვენი ქვეყნის დემოკრატიული განვითარებისთვის, არსებითად მნიშვნელოვანია“ , - განაცხადა ანა დოლიძემ.

ტრანსატლანტიკური კომისიის თავმჯდომარემ და ნატოს ყოფილმა გენერალურმა მდივანმა, ანდერს ფოგ რასმუსენმა, ვირტუალურ პრესკონფერენციაზე საჯაროდ გაახმოვანა ინიციატივის შესახებ და მოიწვია პოლიტიკური პარტიები და მათი კანდიდატები დათქმაზე მიერთებით პირობა დადონ, რომ პირდაპირ თუ ირიბად არ შეუწყობენ ხელს არჩევნებში ჩარევის მოსურნე მავნე გარე ძალებს.

დათქმაზე ხელმოწერით, პოლიტიკური პარტიები და კანდიდატები პირობას დებენ, რომ არ გამოიყენებენ ცრუ და ყალბ ინფორმაციას/მასალას, არ გაავრცელებენ ზიანის მიყენების მიზნით მოპოვებული პირადი ხასიათის აუდიო ან ვიდეო მასალებს და ე.წ. დიფფეიქ ვიდეოებს, გამჭვირვალეს გახდიან ბოტური ქსელების გამოყენებით საარჩევნო მასალების გავრცელების პრაქტიკას, ყურადღებას დაუთმობენ კიბერ უსაფრთხოების უზრუნველყოფას და გამჭვირვალეს გახდიან საარჩევნო კამპანიის ფინანსურ რესურსებს.

ინფორმაციას მოძრაობა ,,ხალხისთვის'' პრესსამსახური ავრცელებს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა