კახა კალაძე - ბევრი მსჯელობა გვქონდა, ისნის მაჟორიტარი ვინ უნდა ყოფილიყო, ბევრი გამოკითხვა ჩავატარეთ, ადგილობრივებსაც ვკითხეთ და ყველაზე მეტი პატივისცემა, სიყვარული კახა კახიშვილმა დაიმსახურა
პარტია „ქართული ოცნება-დემოკრატიული საქართველოს" გენერალურმა მდივანმა კახა კალაძემ ისნის მაჟორიტარობის კანდიდატად კახა კახიშვილი წარადგინა.
კალაძის განცხადებით, გუნდისა და ადგილობრივ მოსახლეობაში გამოკითხვის ჩატარების შემდეგ, ყველაზე მეტი პატივისცემა, სიყვარული კახა კახიშვილმა დაიმსახურა.
„დღეს ჩვენ შევიკრიბეთ იმისთვის, რომ სურვილი გვაქვს წარმოგიდგინოთ ადამიანი, რომელიც საქართველოს პარლამენტში თქვენს ინტერესებს დაიცავს და გაატარებს. გუნდში ბევრი მსჯელობა გვქონდა, ბევრი კანდიდატი განიხილებოდა, თუ ისნის რაიონის მაჟორიტარი კანდიდატი, ვინ უნდა ყოფილიყო. ბევრი გამოკითხვა ჩავატარეთ, ადგილობრივ მოსახლეობას ვკითხეთ და ყველაზე მეტი პატივისცემა, სიყვარული კახა კახიშვილმა დაიმსახურა. მე მინდა, კახის წარმატებები ვუსურვო და დარწმუნებული ვარ, რომ ის დიდი პასუხისმგებლობა, რაც მან აიღო და პასუხისმგებლობა, რომელიც ისნის მოსახლეობამ მისცა, კარგად აცნობიერებს დარწმუნებული ვარ“, - განაცხადა კალაძემ.
