„ევროპული საქართველოს“ მაჟორიტარობის კანდიდატის ხელვაჩაურის, ქედის, შუახევისა და ხულოს ოლქში, ტარიელ ნაკაიძის ინფორმაციით, სახელმწიფო უსაფრთხოების სამსახური და ადგილობრივი ჩინოვნიკები ამომრჩეველზე ზეწოლას ახორციელებენ. კერძოდ, აშინებენ ნათესავებისა და ახლობლების სამსახურიდან გაშვებით და სოციალური დახმარებების მოხსნით.

ნაკაიძე მოუწოდებს ივანიშვილის ხელისუფლებას, რომ დაბრუნდნენ სამართლებრივ სივრცეში და შეეშვან უკანონო ქმედებებს.

„ჩვენი წარმომადგენლები, შუახევიდან ხულოდან და ქედიდან გვამცნობენ, რომ სუს-ი და ადგილობრივი ჩინოვნიკები კარდაკარ დადიან და აშინებენ, ზეწოლებს ახორციელებენ ჩვენს მომხრეებზე, ემუქრებიან სოციალური დახმარების მოხსნით, ნათესავებისა და ახლობლების სამსახურებიდან გაშვებით.

ივანიშვილის ხელისუფლებას მოგიწოდებთ, დაბრუნდით სამართლებრივ სივრცეში და შეეშვით უკანონო ქმედებებს. არაფერი გამოგივათ ხვალ ბოლო დღე გაქვთ ხელისუფლებაში დარჩენის”,-აცხადებს ნაკაიძე.

ინფორმაციას „ევროპული საქართველოს“ პრესსამსახური ავრცელებს.