პარტია "სამართლიანობისთვის" ლიდერის ეკა ბესელიას განცხადებით, 2020 წლის არჩევნები ტოტალური გაყალბებით ჩატარდა. როგორც მან აღნიშნა, ახლა ხმების დასაცავად ოპოზიციის გაერთიანებას და ერთიან პოზიციას დიდი მნიშვნელობა აქვს.

"ასეთი ტოტალური გაყალბება არ მახსენდება, არჩევნების ლეგიტიმაცია არ უნდა მოხდეს. ეს არ იყო თავისუფალი არჩევნები. ახლა ძალიან მნიშვნელოვანი იქნება ყველა ოპოზიციური პარტიის და მონაწილე სუბიექტის ერთიანი პოზიცია. ძალიან მნიშვნელოვანი იქნება საერთაშორისო სადამკვირვებლო მისიების დასკვნა. მგონია, რომ მათი დასკვნა უნდა იყოს ზუსტად ისეთი, როგორი არჩევნებიც ჩატარდა. ტოტალურმა მოსყიდვამ, ზეწოლამ და მანიპულაციამ გავლენა იქონია არჩევნების შედეგებზე. ეს არის მთავარი, რომ არჩევნების შედეგები შეცვალა.

კოორდინაცია უნდა გავაკეთოთ იმისთვის, რომ ვაღიარებინოთ "ქართულ ოცნებას"- მან არ ჩაატარა თავისუფალი არჩევნები. არ უნდა მოხდეს არჩევნების ლეგიტიმაცია. ასე ქვეყნის მართვა შეუძლებელი იქნება",-განაცხადა ბესელიამ.

მან აღნიშნა, რომ აქციის ჩატარების იდეას უერთდება.

"იდეას ვუერთდები. ვემხრობი, რომ საკუთარი სამოქალაქო და კონსტიტუციური უფლების დაცვა ყველამ უნდა შეძლოს. თუ ჩვენ არ შეგვიძლია ჩვენი ხმის დაცვა და თავისუფალი არჩევანის უფლებით რეალიზება, მაშინ რაზე ვლაპარაკობთ, რა უნდა დავიცვათ",-განაცხადა ბესელიამ.