ფიქრია ჩიხრაძე - მოვუწოდებთ პოლიტიკურ კოლეგებს, ყველაფერი გავაკეთოთ იმისათვის, რომ არალეგიტიმურმა პარლამენტმა ვერ შეიძინოს ლეგიტიმაცია დღევანდელ რეალობაში

ლეგიტიმაციას მოკლებული პარლამენტი ვერ შეასრულებს პოზიტიურ როლს საქართველოს პოლიტიკურ ცხოვრებაში, აქედან გამომდინარე, მივიჩნევთ, რომ ერთადერთი გამოსავალი ამ შემთხვევაში არის ვადამდელი არჩევნები, - ამის შესახებ „ლელოს" ერთ-ერთმა ლიდერმა, სამგორის მაჟორიტარი დეპუტატობის კანდიდატმა ფიქრია ჩიხრაძემ პარტიაში გამართულ ბრიფინგზე განაცხადა.

ფიქრია ჩიხრაძის განცხადებით, ამომრჩეველმა, სამოქალაქო საზოგადოებამ და პოლიტიკოსებმა ყველაფერი უნდა გააკეთონ იმისათვის, რომ არალეგიტიმურმა პარლამენტმა დღევანდელ რეალობაში ლეგიტიმაცია ვერ შეიძინოს.

„ქართულ საზოგადოებას ჰქონდა მოლოდინი, რომ 2020 წლის არჩევნები უნდა ქცეულიყო ქვეყნისთვის გარდამტეხ მოვლენად, „ქართულმა ოცნებამ" არჩევნების დღე სამწუხაროდ აქცია დაშინების, ძალადობის, მოსყიდვისა და გაყალებების მთლიან პროცესად. „ლელო" არ აპირებს, რომ შეეგუოს ამ ვითარებას. ჩვენ არ ვცნობთ ამ გაყალბებული არჩევნების შედეგებს და მოვუწოდებთ ჩვენს ამომრჩეველს, სამოქალაქო საზოგადოებას, პოლიტიკურ პარტიებს ერთიანობისაკენ. ლეგიტიმაციას მოკლებული პარლამენტი ვერ შეასრულებს პოზიტიურ როლს საქართველოს პოლიტიკურ ცხოვრებაში, აქედან გამომდინარე, მივიჩნევთ, რომ ერთადერთი გამოსავალი ამ შემთხვევაში არის ვადამდელი არჩევნები.

მოვუწოდებთ ჩვენს პოლიტიკურ კოლეგებს, ვიმსჯელოთ ყველამ ერთიანად, რომ არალეგიტიმურმა პარლამენტმა ვერ შეიძინოს ლეგიტიმაცია დღევანდელ რეალობაში. სამწუხაროდ, პოზიტიური ცვლილებების ნაცვლად მივიღეთ ისევ ჭაობში ჩარჩენა, სტაგნაცია და ვითარება, რომლის დროსაც საქართველოს დემოკრატიული განვითარების პერსპექტივა ისპობა", - აღნიშნა ფიქრია ჩიხრაძემ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს