საპარლამენტო უმრავლესობის ლიდერი, მამუკა მდინარაძე აცხადებს, რომ ნიკა მელიას მიმართ მკაცრი სამართლებრივი ზომების ამოქმედება პოლიტიკურ კონტექსტში არავის აწყობს.

მამუკა მდინარაძემ ნიკა მელიას მიერ ელექტრონული სამაჯურის მოხსნის კომენტირებისას აღნიშნა, რომ ურჩევნია მელია თავისუფალი იყოს, რათა საზოგადოებამ დაინახოს თუ როგორ სპეკულირებს ეს ადამიანი.

"პოლიტიკურ კონტექსტში ნამდვილად არავის არ აწყობს ახლა ნიკა მელიას მიმართ მკაცრი სამართლებრივი რეგულაციების ამოქმედება იმიტომ, რომ ეს მას საშუალებას მისცემს, დამატებითი სპეკულაციები მოაყოლოს ამ ყველაფერს.სამართალწარმოება სასამართლოს საქმეა, ეს ჩვენი საქმე არაა, ამიტომ არასდროს ჩავრეულვართ და ასევე გავაგრძელებთ. მე ნამდვილად მირჩევნია, რომ ნიკა მელია თავისუფლებაში იყოს და რაც შეიძლება მეტი ისაუბროს ყველაფერზე, რომ საზოგადოებამ მეტი შეიტყოს, თუ როგორ სპეკულირებს ეს ადამიანი",-განაცხადა მდინარაძემ.