არაღიარებული მთიანი ყარაბაღის ინფორმაციით, დაღუპულია 46 და დაშავებულია 144 მშვიდობიანი მოქალაქე

აზერბაიჯანის მხრიდან თავდასხმების დაწყებიდან დღემდე მთიანი ყარაბაღში დაიღუპა 46 და დაშავდა 144 მშვიდობიანი მოქალაქე, - ამის შესახებ არაღიარებული მთიანი ყარაბაღის ომბუდსმენმა არცახ ბეგლარიანმა განაცხადა. მისივე თქმით, მოქალაქეთა უძრავ ქონებას, ასევე საზოგადოებრივ და სამრეწველო ინფრასტრუქტურას მნიშვნელოვანი ზიანი მიადგა.

„დაზიანდა 13 800 ერთეულზე მეტი კერძო უძრავი ქონება, 3 100-ზე მეტი ინფრასტრუქტურული, საზოგადოებრივი და სამრეწველო ობიექტი, მათ შორის ელექტროსადგურები, ქსელები, წყალმომარაგებისა და გაზმომარაგების ინფრასტრუქტურა. დაზიანდა სულ მცირე 2100 ავტომობილი და სხვა პირადი ქონება,“- განაცხადა ომბუდსმენმა.

მისივე თქმით, აზერბაიჯანი აგრძელებს საერთაშორისო ჰუმანიტარული სამართლის წესებისა და პოლიტიკური შეთანხმებების უგულებელყოფას და მშვიდობიანი მოსახლეობისა და მთიანი ყარაბაღის ინფრასტრუქტურაზე მიზანმიმართულ თავდასხმებს ახორციელებს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს