დავით ჭიჭინაძე - 8 ნოემბერს უნდა დაიწყოს ამ ხელისუფლებისთვის განაჩენის გამოტანის პროცესი, რადგან ხალხთან დაპირისპირება  ჯერ არავის მოუგია

8 ნოემბერს უნდა დაიწყოს ამ ხელისუფლებისთვის განაჩენის გამოტანის პროცესი, რადგან ხალხთან დაპირისპირება ჯერ არავის მოუგია, მითუმეტეს ერთპარტიულად, - ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ განაცხადა.

მისი თქმით, ქვეყანაში მძლავრი პროტესტი უნდა იყოს.

„კალაძისგან აღარაფერია გასაკვირი. რა იცის მან მიმატება ან გამოკლება, მთელი ცხოვრება ბურთს დასდევდა. მისთვის ისეთივე ჩვეულებრივი ამბავია 5+5=15, როგორც პრობლემას არ წარმოადგენს - იქით კარში გაიტანს ბურთს, თუ აქითაში. თამარ ჟვანიას ადგილი კი საკანშია, რადგან დღეს გაღატაკებაც, ხალხის ჯიბიდან ფულის მოპარვაც უკვე ჟვანიას კისერზეა. მან ვერ დათვალა, ხალხი ქუჩაში გამოვიდა და იმიტომ. მოკლედ, „ქართულ ოცნებაში“ არ არსებობს პოლიტიკური ნება, რომელიც მას ხელისუფლებას ნებაყოფლობით დაათმობინებს. იმდენი ფული აქვთ მოპარული, თუნდაც პანდემიის დროს, ეს კატასტროფული შედეგის მომტანი იქნება მათთვის და ყველას პასუხისგება მოუწევს. ამიტომ ვამბობ, 8 ნოემბერს უნდა დაიწყოს ამ ხელისუფლებისთვის განაჩენის გამოტანის პროცესი, რადგან ხალხთან დაპირისპირება ჯერ არავის მოუგია, მითუმეტეს ერთპარტიულად.

აქ აღარ არის საუბარი ერთი პოლიტიკური ძალის გამარჯვებაზე ან დამარცხებაზე, ეს არ იქნება რომელიმე კონკრეტული პარტიის აქცია. ხალხი თავისი ღირსების დასაცავად უნდა გამოვიდეს, რადგან ჩვენ თავისუფალი არჩევნის უფლებას გვართმევენ. პროტესტი ისეთი მძლავრი უნდა იყოს, რომ „ოცნება“ მიხვდეს, ის ამ ქვეყანაში ვერ გაძლებს ასე უსამართლოდ და ახალი არჩევნები გარდაუვალი იქნება.

სხვა შემთხვევაში, უბრალოდ დამარცხდება ინსტიტუტი, რასაც არჩევნები ჰქვია და მუდმივად ვიღაც კობახიძის ტვინში მოიხარშება, ვის რა ციფრი უნდა დაეწეროს. ჩვენ კი, პირბადეები მაინც გვიკეთია უკვე, ბარემ ტანსაცმელიც ერთნაირი ჩაგვაცვან და ვიცხოვროთ ასე“, - განაცხადა დავით ჭიჭინაძემ.

ინფორმაციას „ტრიბუნას“ პრესსამსახური ავრცელებს.

გიორგი კანაშვილი - ჩვენ ერთსა და იმავე „ფილმს“ გვაყურებინებენ, პოლარიზებით ყველა დაიღალა, ხანდახან იქმნება წარმოდგენა, რომ თვითონ პოლარიზების შემოქმედნიც, მაგრამ, სამწუხაროდ, მაინც არაფერი იცვლება
ქართული პრესის მიმოხილვა 27.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
ელიტ ელექტრონიქსი 26 წლის იუბილეს აღნიშნავს
„საქართველოს ბანკმა“ ქართველ ემიგრანტებს დამოუკიდებლობის დღე ოთხ  ქვეყანაში ბილბორდებით მიულოცა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა