მთაწმინდის საოლქო საარჩევნო კომისიასთან აქცია დასრულდა.

როგორც “ევროპული საქართველოს” ერთ-ერთმა ლიდერმა განაცხადა აქციის წევრები ცენტრალურ საარჩევნო კომისიასთან გადაინაცვლებენ.

“როგორც ჩანს, ამათ თავის წილი თაღლითობა უკვე ჩაატარეს. საჩივრები განუხილველი დატოვეს, რეალურად არაფერი არ განიხილეს. ორი ვარიანტია ან შეკეტილები არიან და დილამდე აქ ვირთხებივით ისხდებიან, ან ჩუმად გააპარებენ. თამარ ჟვანიას 11:00 საათზე ერთ-ერთ ტელევიზიაში ჰქონია ჩართვა, ასეთი თავხედობაც ხდება, თურმე. ამიტომ აქედან წავიდეთ და ქალბატონ თამარს გავაგონოთ ჩვენი ხმა, იმიტომ, რომ ყველაზე დიდი წილი თაღლითობის და მატყუარობის მის კისერზეა”, - განაცხადა გოკა გაბაშვილმა.