ხორვატიის საგარეო უწყება საქართველოში გამართულ საპარლამენტო არჩევნებს ეხმიანება. როგორც უწყების "ტვიტერის" ოფიციალურ გვერდზე გამოქვეყნებულ განცხადებაშია აღნიშნული, მნიშვნელოვანია დემოკრატიის უმაღლესი სტანდარტების უზრუნველყოფა მთელი საარჩევნო პროცესის განმავლობაში.
"მოხარულები ვართ, რომ საქართველოში გაიმართა საპარლამენტო არჩევნები საარჩევნო სისტემაში შეტანილი ცვლილებების შესაბამისად და კოვიდ-19-ის მიუხედავად. მნიშვნელოვანია დემოკრატიის უმაღლესი სტანდარტების უზრუნველყოფა მთელი საარჩევნო პროცესის განმავლობაში", - წერია ხორვატიიის საგარეო და ევროპულ საქმეთა სამინისტროს ოფიციალურ "ტვიტერ" გვარდზე.
განცხადების ქართულ თარგმანს საქართველოს საგარეო საქმეთა სამინისტრო ავრცელებს.