„ქართული ოცნების“ წევრის გიორგი ხელაშვილის განცხადებით, რუსთაველის გამზაირზე დანიშნული აქციის ორგანიზატორები პანდემიის მზარდ საფრთხეს უგულებელყოფენ, რომელიც პიკს უახლოვდება და მოსახლეობას აქციაში მონაწილეობისკენ მოუწოდებენ.

„გამოხატვის თავისუფლება არის საქართველოში კონსტიტუციური უფლება, თუმცა ჩვენი მხრიდან კიდევ ერთხელ ხაზგასმით უნდა აღინიშნოს, რომ ორგანიზატორები უგულებელყოფენ პანდემიის მზარდ საფრთხეს, რომელიც პიკს უახლოვდება და ამის მიუხედავად, მოუწოდებენ მოქალაქეებს მიიღონ მონაწილეობა საპროტესტო აქციაში. მიუხედავად იმისა, რომ გვესმის ცნობები იმაზე, რომ ერთმანეთის მიყოლებით ოპოზიციის ლიდერებს უდგინდებათ კოვიდ 19-ის დიაგნოზი, ისინი მაინც უგულებელყოფენ საზოგადო ჯანდაცვის საფრთხეებს. ამიტომ მოვუწოდებთ ყველას, მოქალაქეებს, ლიდერებს, უპირველეს ყოვლისა იმოქმედონ კანონის ფარგლებში და ასევე, საღი აზრის შესაბამისად. კანონის დარღვევის შემთხვევაში, გვინდა ხაზი გავუსვათ, რომ ყველა დარღვევაზე უნდა მოხდეს სათანადო, ძალიან მკაცრი რეაგირება,“- განაცხადა გიორგი ხელაშვილმა.