ოპოზიციური პარტიების ლიდერები და მათი მხარდამჭერები ცენტრალურ საარჩევნო კომისიასთან მთელი ღამის განმავლობაში დარჩენას და კარვების გაშლას გეგმავენ.

როგორც „ნაციონალური მოძრაობის“ ერთ-ერთმა ლიდერმა ნიკა მელიამ განაცხადა, აქციის მონაწილეები იქამდე იქნებიან ცესკოსთან, ვიდრე მათი მოთხოვნები არ დაკმაყოფილდება.

„აქ ყველანი ვართ მიზნის მისაღწევად. აქ ჟვანია გამყალბებელი არ უნდა აყალბებდეს, ის აყალბებს და აყალბებს. ჩვენ აქ უნდა ვიყოთ იმიტომ, რომ არავინ აღარ აყალბებდეს და ამ ადამიანს მოუწიოს სახლში წასვლა და ახალი არჩევნები ჩატარდეს. ეს ბრძოლა დაიწყო, გრძელდება და დამთავრდება ხალხის გამარჯვებით. აქ ვართ! არავინ მივდივართ, ბრძოლა ბოლომდე! - განაცხადა მელიამ.