„ალდაგი" კორპორაციული პასუხისმგებლობის დაჯილდოების გამარჯვებულია

ნომინაციაში „ინოვაცია, მრეწველობა და ინფრასტრუქტურა", სადაზღვევო კომპანია „ალდაგი" კორპორაციული პასუხისმგებლობის დაჯილდოება 2020-ის გამარჯვებული გახდა,- ამის შესახებ „ინტერპრესნიუსს" „ალდაგიდან" აცნობეს.

მათივე ინფორმაციით, „ალდაგმა" ჯილდო COVID-19- პანდემიის პერიოდში ციფრული ტრანსფორმაციისთვის მიიღო, რაც პროცესების სრულ ავტომატიზაციასა და სერვისების გაციფრულებას გულისხმობს. კომპანიამ შექმნა ვებ აპლიკაცია, რომელიც იყენებს ხელოვნურ ინტელექტს და ბლოკჩეინ ტექნოლოგიას კლიენტის იდენტიფიცირებისა და მონაცემთა უსაფრთხოების უზრუნველსაყოფად.

„AI და ბლოკჩეინ ტექნოლოგიების გამოყენებით, შევძელით პანდემიის დასაწყისშივე უზრუნველგვეყო მომხმარებლისთვის მნიშვნელოვანი სამი პირობა - გამჭვირვალობა, მომსახურების სისწრაფე და მოქნილობა. გვიხარია, რომ ეს შევძელით უმოკლეს ვადებში, თუმცა ეს მხოლოდ დასაწყისია. აღნიშნულ ტექნოლოგიებს აქვს უფრო მეტი შესაძლებლობა და კომპანია გეგმავს მისი გამოყენებით გააფართოვოს თავისი ტექნოლოგიური ეკოსისტემა სადაზღვევო ანაზღაურების და რისკების მართვის მოდელირებისთვის“, - ამბობს „ალდაგის" სტრატეგიული დეპარტამენტის დირექტორი, შოთა ჩაჩხუნაშვილი.

ცნობისთვის, კორპორაციული პასუხისმგებლობის ჯილდო 2020 - გაეროს გლობალური შეთანხმების ადგილობრივი ქსელის პროექტია. დაჯილდოების მიზანია ხელი შეუწყოს პასუხისმგებლიან ბიზნესქმედებას და ბიზნესის გააქტიურებას მდგრადი განვითარების მიზნების მხარდასაჭერად. დაჯილდოება 6 ნოემბერს, შვედეთის მთავრობის მხარდაჭერით ციფრულ ფორმატში ჩატარდა. გამარჯვებულები 8 კატეგორიაში გამოვლინდნენ: სიღარიბის აღმოფხვრა; ხარისხიანი განათლება; ღირსეული სამუშაო და ეკონომიკური ზრდა; მრეწველობა, ინოვაცია და ინფრასტრუქტურა; გონივრული მოხმარება და წარმოება; პარტნიორობა მდგრადი განვითარებისთვის.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!