გადაუდებელი სამუშაოების გამო, 12 ნოემბერს ელექტრომომარაგება დროებით შეიზღუდება. ამის შესახებ „ინტერპრესნიუსს“ კომპანია „თელასიდან“ აცნობეს.
„მთაწმინდის და კრწანისის რაიონებში გადაუდებელი სამუშაოების გამო, 10:00 საათიდან 18:00 საათამდე შეზღუდვა შეეხება: დაბა კიკეთის (ნაწილობრივ), ახალდაბის (ნაწილობრივ) და სოფელი სამადლოს (ნაწილობრივ) მოსახლეობას. სამგორის რაიონში გადაუდებელი სამუშაოების გამო, 10:00 საათიდან 18:00 საათამდე შეზღუდვა შეეხება: ქიზიყის, ჭიჭინაძის, ენუქიძის და პოლიციის ქუჩების მოსახლეობას“, - აღნიშნულია „თელასის“ მიერ გავრცელებულ ინფორმაციაში.
კომპანია ბოდიშს უხდის მომხმარებლებს შექმნილი დისკომფორტის გამო.