გიგი უგულავა - მოგვიგდეს ალიკაპის მსგავსად კანონი და თვითონ დაშლიგინობენ - ესწრებიან ფეხბურთს, მანქანით გადაადგილდებიან, როდესაც ჩვენ გვაჯარიმებენ
მოგვიგდეს ალიკაპის მსგავსად ეს კანონი და თვითონ დაშლიგინობენ - ესწრებიან ფეხბურთს, მანქანით გადაადგილდებიან, როდესაც ჩვენ გვაჯარიმებენ,- ასე გამოეხმაურა "ევროპული საქართველოს" ერთ-ერთი ლიდერი გიგი უგულავა საქართველო-ჩრდილოეთ მაკედონიის საფეხბურთო მატჩზე მმართველი გუნდის წევრების დასწრებას.
როგორც უგულავა აცხადებს, ქვეყანაში რეჟიმი გაფორმდა, რომელმაც საკუთარი ხალხის უდიდესი ნაწილი მეორეხარისხოვან ადამიანებად გამოაცხადა.
„სრულიად აღმაშფოთებელია და ადამიანურად რომ ვთქვათ, "ტეხავს", რაც ვნახეთ, როდესაც ადამიანებს არ უშვებ პოლიტიკური მიზეზის გამო 22:00 საათის შემდეგ, როდესაც შეკრებილ ადამიანებს და გულშემატკივრებს აჯარიმებ და ამ დროს იქ ვიპ ცხოვრება და ღრეობა აქვს მოწყობილი მთავრობას. კასტა არსებობს, რომლისთვისაც ყველაფერი შეიძლება და ხალხი არსებობს, რომლისთვისაც არაფერი შეიძლება. პრაქტიკულად გუშინდელი დღით გაფორმდა, რომ მთელი საზოგადოება „ქართულმა ოცნებამ" გამოგვაცხადა, როგორც მეორეხარისხოვანი მოქალაქეები. მოგვიგდეს ალიკაპის მსგავსად ეს კანონი და თვითონ დაშლიგინობენ - ესწრებიან ფეხბურთს, მანქანით გადაადგილდებიან, როდესაც ჩვენ გვაჯარიმებენ და ა.შ. სამარცხვინოა, ეს უკვე ნიშნავს, რომ რეჟიმი გაფორმდა ამ ქვეყანაში, რომელმაც საკუთარი ხალხის უდიდესი ნაწილი გამოაცხადა მეორეხარისხოვან ადამიანებად",- განაცხადა უგულავამ.
v-if="article.gallery" v-html="article.gallery"
