გიგი უგულავა - ოპოზიციის ერთობას არაფერი ემუქრება

ოპოზიციის ერთობას არაფერი ემუქრება, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ მედიას განუცხადა, რითაც უპასუხა მიხეილ სააკაშვილის ფაქტორთან დაკავშირებით დასმულ კითხვას.

გიგი უგულავას თქმით, ოპოზიციაში ცხარე კამათი აბსოლუტურად ჩვეულებრივია.

„ოპოზიციის ერთობას არაფერი ემუქრება, რაც არ უნდა ცხარე კამათი იყოს. ცხარე კამათი აბსოლუტურად ჩვეულებრივია. ჩვენ ამას არ ვმალავთ და ეს საჯაროდ ხდება. ხშირად ეს დამაბნეველია ოპოზიციური ამომრჩევლისთვის, მაგრამ ამასაც უნდა შევეჩვიოთ. არის განსხვავებები, აზრთა სხვადასხვაობა, მათ შორის ხშირად მწვავედ გამოხატული, მაგრამ მენდეთ ეს ჯობია, ვიდრე ის, რასაც ხელისუფლება აკეთებს - შიგნით დაპირისპირებას თავ-პირის მტვრევით, შემდეგ უცბათ, მეგობრობას ეძახის ხოლმე“,- განაცხადა უგულავამ.

მან ასევე ისაუბრა ხელისუფლების განცხადებებთან დაკავშირებით, უგულავას თქმით, ხელისუფლების სხვადასხვა წარმომადგენლის სხვადასხვა პოზიცია ნიშნავს იმას, რომ „ისინი წვალობენ“.

„სახეზე არის აზრთა სხვადასხვაობა ხელისუფლების სხვადასხვა წარმომადგენლებს შორის, რაც იმას ნიშნავს, რომ ისინი წვალობენ, ფიქრობენ, ჭირვეულობენ. ასე რომ, მათი ჭმუნვები მათვე დავუტოვოთ, ჩვენ გვაქვს ჩვენი გეგმები და დარწმუნებული ვარ, რომ საზოგადოების პროტესტთან ერთად მიზანს, რომ საქართველოში ერთხელ და სამუდამოდ სამართლიანი, თავისუფალი და გაუყალბებელი არჩევნები, მივაღწევთ“,- განაცხადა უგულავამ.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)