ვახტანგ მახარობლიშვილი - მაიკ პომპეოს საქართველოში ვიზიტი ხაზს უსვამს სტრატეგიული პარტნიორობის მნიშვნელობას და მის სიმტკიცეს

საქართველოს საგარეო საქმეთა მინისტრის პირველი მოადგილის, ვახტანგ მახარობლიშვილის განცხადებით, აშშ-ს სახელმწიფო მდივნის, მაიკ პომპეოს საქართველოში ვიზიტი ხაზს უსვამს სტრატეგიული პარტნიორობის მნიშვნელობას და მის სიმტკიცეს.

საქართველოში ვიზიტის ფარგლებში, შეხვედრები მთავრობის უმაღლეს პირებთან გაიმართება.

„დღეს ორდღიანი ვიზიტით საქართველოს ეწვევა აშშ-ს სახელმწიფო მდივანი. ვიზიტის ფარგლებში შეხვედრები გამართება უმაღლეს დონეზე, საქართველოს პრემიერ-მინისტრთან, საქართველოს პრეზიდენტთან და საგარეო საქმეთა მინისტრთან. სახელმწიფო მდივანი ასევე შეხვდება საქართველოს კათოლიკოს-პატრიარქსაც“,- განაცხადა მახარობლიშვილმა.

მისივე თქმით, შეხვედრებისას, მხარეები განიხილავენ საქართველო-აშშ-ს შორის სტრატეგიული პარტნიორობის ქარტიით გათვალისწინებულ სფეროებს, ისეთებს, როგორიცაა უსაფრთხოება და თავდაცვა, ეკონომიკური თანამშრომლობა და ვაჭრობა, ხალხთაშორისიკონტაქტები და განათლება და დემოკრატიული განვითარება, ჯანდაცვა.

„მხარეები ისაუბრებენ საქართველოში და რეგიონში არსებულ უსაფრთხოების სიტუაციასთან დაკავშირებით და ორ ქვეყანას შორის ამ კონტექსტში თანამშრომლობის განმტკიცების და განვითარების შესაძლებლობებსა და მიმართულებებზე. ვიზიტის ფარგლებში ქართულ მხარეს შესაძლებლობა მიეცემა პომპეოს მივაწოდოთ ინფორმაცია საქართველოს ოკუპირებულ ტერიტორიებზე არსებულ უსაფრთხოების და ჰუმანიტარულ სიტუაციასთან დაკავშირებით. სახელმწიფო მდივნის საქართველოში ვიზიტი, რა თქმა უნდა, ხაზს უსვამს სტრატეგიული პარტნიორობის მნიშვნელობას და მის სიმტკიცეს. ეს ვიზიტი ასევე ხაზს უსვამს აშშ-ს მხრიდან საქართველოს ტერიტორიული მთლიანობის და სუვერენიტეტის მხარდაჭერას, ისვე როგორც ჩვენი ქვეყნის დემოკრატიული განვითარების და ევროპული და ევრო-ატლანტიკური ინტეგრაციის მხარდაჭერას,“ - აღნიშნა მინისტრის პირველმა მოადგილემ.

ვახტანგ მახარობლიშვილმა ასევე ხაზი გაუსვა დაგეგმილი ვიზიტის პანდემიის პირობებში განხორციელების მნიშვნელობასაც.

„ნიშანდობლივია, რომ ვიზიტი ხორციელდება გლობალური პანდემიის პირობებში. საქართველო მადლიერია იმ მხარდაჭერის, რომელიც შეერთებულმა შტატებმა გასწია და უწევს ჩვენს ქვეყანას პანდემიის დაძლევის და გამკლავებისპროცესში. აქვე აღსანიშნავია ის ფაქტი, რომ ყველა დაგეგმილი ღონისძიება ვიზიტის ფარგლებში ხორციელდება პანდემიით გათვალისწინებული უსაფრთხოების შესაბამისი პროტოკოლის დაცვით“, - განაცხადა მახარობლიშვილმა.

ინფორმაციას საგარეო საქმეთა სამინისტრო ავრცელებს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა