ნიდერლანდების პარლამენტი მთავრობას მოუწოდებს, აზერბაიჯანის წინააღმდეგ სანქციების დაწესება მოითხოვოს

ნიდერლანდების პარლამენტი ქვეყნის მთავრობას მოუწოდებს, ევროკავშირის დონეზე მოითხოვოს აზერბაიჯანის პრეზიდენტის ილჰამ ალიევისა და მისი ოჯახისთვის სანქციების დაწესება. შესაბამისი გადაწყვეტილება ქვეყნის პარლამენტმა პლენარულ სხდომაზე მიიღო.

„წარმომადგენელთა პალატა მოუწოდებს მთავრობას გამოვიდეს ევროკავშირში სანქციების შემოღების წინადადებით, რომლებიც ორიენტირებული იქნება აზერბაიჯანის პრეზიდენტის, მისი ნათესავებისა და ძირითადი ფიგურების წინააღმდეგ აზერბაიჯანის შეტევისა და იმ სირიელი ბოევიკების გამო, რომლებიც თურქეთმა თიან ყარაბაღში განათავსა“, - ნათქვამია დამტკიცებულ რეზოლუციაში.

ნიდერლანდელმა დეპუტატებმა, ასევე, დაამტკიცეს კიდევ ერთი რეზოლუცია, რომელშიც აღნიშნულია, რომ ძალადობის უკანასკნელი აფეთქება მთიან ყარაბაღში ინიცირებული იყო აზერბაიჯანის მიერ თურქეთის მხარდაჭერით.

„პარლამენტი მოუწოდებს მთავრობას გამოიყენოს ინდივიდუალური სანქციები მათ მიმართ, ვინც პასუხისმგებელია ამ ძალადობაზე როგორც აზერბაიჯანში, ისე თურქეთში“, - ნათქვამია დოკუმენტში.