დაბრუნებულ მიგრანტთა დახმარების პროგრამის ფარგლებში 20 მოსწავლეს კომპიუტერი გადაეცემა

დაბრუნებულ მიგრანტთა დახმარების პროგრამის ფარგლებში 20 მოსწავლეს კომპიუტერი გადაეცემა. ამის შესახებ ინფორმაციას დევნილთა სააგენტო ავრცელებს.

მათივე ინფორმაციით, დაბრუნებულ მიგრანტთა სარეინტეგრაციო დახმარების სახელმწიფო პროგრამის ფარგლებში 20 მოსწავლეს კომპიუტერი გადაეცემა.

„კომპიუტერებით უზრუნველყოფის მთავარი მიზანია ხელი შეუწყოს სამშობლოში დაბრუნებულ სასკოლო ასაკის მიგრანტებს სწავლების დისტანციურ რეჟიმში შეუფერხებლად ჩაერთონ. პროგრამაში მონაწილეობა შეუძლიათ მოსწავლეებს, რომლებიც ოჯახთან ერთად, საზღვარგარეთ 12 თვეზე მეტ ხანს იმყოფებოდნენ და ემიგრაციიდან ბოლო ერთი წლის განმავლობაში დაბრუნდნენ.

განაცხადები 19 ნოემბრიდან 9 დეკემბრის ჩათვლით, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და მის ტერიტორიულ სამმართველოებში შემდეგ მისამართებზე მიიღება: ქ. თბილისი, თამარაშვილის ქ. N15ა;

ქ. გორი, სამების ქ. N1; ქ. რუსთავი, ცურტაველის ქ. N5ა; ქ. ქუთაისი, აბაშიძის გამზ. N27; ქ. ზუგდიდი, აღმაშენებლის ქ. N106.

განაცხადის გამოგზავნა ასევე შესაძლებელია სააგენტოს ელექტრონულ ფოსტაზე: info@idp.gov.ge“,-ნათქვამია ინფორმაციაში.