ილჰამ ალიევი - აზერბაიჯანის შესაძლებლობები რეგიონში გაფართოვდება, მაგრამ ჩვენი შესაძლებლობები მხოლოდ თანამშრომლობისთვისაა განკუთვნილი

აზერბაიჯანის შესაძლებლობები, მათ შორის გავლენის შესაძლებლობები, რეგიონში გაფართოვდება, მაგრამ ჩვენი შესაძლებლობები მხოლოდ თანამშრომლობისთვისაა განკუთვნილი, - აზერბაიჯანული მედიის ინფორმაციით, ამის შესახებ პრეზიდენტმა ილჰამ ალიევმა განაცხადა.

მისივე თქმით, აზერბაიჯანის მიერ რეგიონში განხორციელებულმა ყველა პროექტმა, თანამშრომლობის გაღრმავებას შეუწყო ხელი.

„ჩვენმა ყველა პროექტმა, ენერგეტიკულმა, სატრანსპორტო და ჰუმანიტარულმა პროექტებმა რეგიონში თანამშრომლობა გააღრმავა. არც ერთი ნაბიჯი არ გადაგვიდგამს ისეთი, რომელსაც ჩვენი მეზობლებისთვის პრობლემების გამოწვევა შეეძლო. ამიტომ, მეზობელ ქვეყნებთან ჩვენ კარგი და ნორმალური ურთიერთობები გვაქვს. შემიძლია ვთქვა, რომ ეს ურთიერთობები ბევრისთვის შესაძლოა მაგალითიც იყოს,“- განაცხადა ალიევმა.

მისი თქმით, ირანმა და საქართველომ სომხეთს საჰაერო სივრცე ჩაუკეტეს იმის გამო, რომ არ სურდათ, სომხებს აზერბაიჯანელი მშვიდობიანი მოქალაქეები დაეხოცათ.

„როგორი ურთიერთობები აქვს სომხებს მეზობლებთან? აზერბაიჯანთან - ოკუპაციის საკითხი, თურქეთთან - ტერიტორიული პრეტენზიები. რუსეთი, ასე ვთქვათ, უკმაყოფილოა. ვიცი, რატომაც ვერ შეძლეს ირანიდან იარაღის შემოტანა, იმიტომ, რომ ირანი ჩვენი მეგობრული და ძმური სახელმწიფოა და ჩვენი თხოვნით საჰაერო სივრცე ჩაკეტა. იმიტომ, რომ არ სურდა, სომხეთს აზერბაიჯანელები დაეხოცა. ისინი მსგავს პრეტენზიებს უყენებენ საქართველოსაც ახლა, იმიტომ, რომ ომის დროს საქართველომაც ჩაუკეტა და ხმელეთით იარაღის გადატანის საშუალება არ მისცა. მათ ასევე არ სურდათ, რომ ულმობელ მტერს ჩვენი მშვიდობიანი მოსახლეობა დაეხოცა. ისინი აცხადებენ, რომ რუსეთი მათ არ დაეხმარა. ისინი ყველას აკრიტიკებენ. ისინი ყველას მიმართ უკმაყოფილებას გამოხატავენ,“- განაცხადა ალიევმა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა