რესტორატორთა ასოციაციის დამფუძნებელი - ნებისმიერი დამატებითი შეზღუდვა სფეროს მთლიანი "ლოქდაუნი" იქნება - პრემიერთან შეხვედრაზე ჩვენი შეთავაზება არსებული ვითარების შენარჩუნება იქნება

22:00 საათის შემდეგ რესტორნები აღარ მუშაობენ, რეალურად კოვიდვითარებამ უკან არ დაიხია, - ამის შესახებრესტორატორთა ასოციაციის დამფუძნებელმა შოთა ბურჯანაძემ ჟურნალისტებს მთავრობის ადმინისტრაციაში განუცხადა, სადაც ამ წუთებში პრემიერ-მინისტრი გიორგი გახარია სამედიცინო სფეროს წარმომადგენლებთან ერთად ბიზნესსექტორს ხვდება.

როგორც ბურჯანაძემ შეხვედრის დაწყებამდე აღნიშნა, დამატებითი შეზღუდვები სარესტორნო სფეროსთვის დამღუპველია და ათიათასობით ადამიანი სამუშაო ადგილს დაკარგავს.

"შეხვედრაზე უნდა წარვადგინოთ ჩვენი შეხედულებები არსებულ სიტუაციასთან მიმართებით, რაც შეეხება როგორც კოვიდს, ისე ბიზნესს. უნდა შევჯერდეთ იმ ოქროს შუალედზე, რითაც არ დაზარალდება ბიზნესი.

დღეს ეს სფერო ისეთ მდგომარეობაშია ნებისმიერი დამატებითი შეზღუდვა არ იქნება შეზღუდვა, არამედ იქნება სფეროს მთლიანი "ლოქდაუნი". აქედან გამომდინარე, დაიკარგება ათი ათასობით სამუშაო ადგილი და ეს წარმოადგენს პრობლემას. რამდენადაა შესაძლებელი ჩვენი მხრიდან რაიმე დათმობა და უკან დახევა?! რეალურად, შესაძლოა ეს მფლობელებისთვის პრობლემას არ წარმოადგენდეს დღეს და ვიღაცისთვის შესაძლოა გარკვეული პლიუსიც იყოს, რადგან საბანკო რეგულაციები იქნება, თუ საჯარო ვალდებულებები გაჩერდება, მაგრამ აქ, პრობლემას წარმოადგენენ დასაქმებულები. დასაქმებულების პრობლემიდან გამომდინარეა, რომ სახელმწიფოსა და სფეროს შორის დიალოგი იმართება, როგორ გადავარჩინოთ დასაქმებულები და როგორ ვებრძოლოთ კორონავირუსს. ჩვენი სფერო რეალურად, წითელი ხაზების უკან დგას. ამის იქეთ კიდევ რამე შეზღუდვები თუ უნდა მივიღოთ, უბრალოდ, წარმოუდგენელია. შეხვედრაზე ჩვენი მხრიდან შეთავაზება იქნება არსებული ვითარების შენარჩუნება. მარტივი ლოგიკაა, 22:00 საათის შემდეგ რესტორნები აღარ მუშაობენ და რეალურად კი, კოვიდ ვითარებამ უკან არ დაიხია, პირიქით განვითარდება. ისმის კითხვა, აქ, სად არის პრობლემა რესტორნებიდან გამომდინარე?! ბევრი თავშეყრის ადგილი არის ისეთი, სადაც შესაძლოა კოვიდი განვითარდეს და დღეს რესტორნებში ხალხი არ დადის. ის, რაც დღეს ისმის, რომ რესტორნებში თავყრილობა და ქეიფია, ასე არ არის" , - განაცხადა შოთა ბურჯანაძემ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა