გიორგი ვაშაძე - დავადოთ თავი და პარლამენტში შევიდეთ, ამას არცერთ ვარიანტში, შეთანხმების დოკუმენტის გარეშე არ განვიხილავ

მოდით დავარქვათ, რომ ეს მესამე რაუნდისთვის მზადების შეხვედრებია. ასევე "ქართული ოცნების" მხრიდან მესამე რაუნდზე ღია შეთავაზებები უნდა მოვისმინოთ, - ამის შესახებ "სტრატეგია აღმაშენებლის" ლიდერმა გიორგი ვაშაძემ საქართველოში ამერიკის შეერთებული შტატების ელჩის კელი დეგნანის რეზიდენციის დატოვების შემდეგ ჟურნალისტებთან განაცხადა.

მისივე თქმით, პარლამენტში შესვლას შეთანხმების დოკუმენტის გარეშე არცერთ ვარიანტში არ განიხილავს.

"პირველი რაც მინდა ვთქვა, ჩვენი ამერიკელი და ევროპელი დიპლომატები ყველაფერს აკეთებენ იმისთვის, რომ შეთანხმება შედგეს. რა თქმა უნდა, მათი მოწოდება ყველა მხარესთან არის, რომ პროგრესულად ვიფიქროთ და შეთანხმებაზე ორიენტირებული ვიყოთ. ჩვენ შეთანხმებაზე, ცხადია, ორიენტირებული ვართ. მოდით დავარქვათ, რომ ეს მესამე რაუნდისთვის მზადების შეხვედრებია, განვიხილეთ რიგი საკითხები, რომლის ყველა დეტალზე ნამდვილად ვერ ვისაუბრებ. ერთი რამ შემიძლია ვთქვათ, რომ ჩვენ ოპოზიციაში საერთო პოზიციაზე ერთიანად უნდა ჩამოვყალიბდეთ, თუმცა "ქართული ოცნების" მხრიდან მესამე რაუნდზე ღია შეთავაზებები უნდა მოვისმინოთ. ჩვენი ახლანდელი პოზიცია არ იცვლება ამ ეტაპისთვის რიგგარეშე არჩევნებია, საარჩევნო რეფორმა. საარჩევნო რეფორმის განხორციელების გარეშე ქვეყანაში ნორმალური არჩევნების ჩატარება გამორიცხულია. ჩემი აზრით, უნდათ საკითხები თითოეულ პარტიასთან სიღრმისეულად გაიარონ. ჩვენ ბოიკოტს ვაგრძელებთ, მაგრამ ჩვენი დასავლელი პარტნიორების მოწოდება გვესმის. ჩემი მოლოდინია, 8 მარტის მსგავსი მემორანდუმი უნდა გაფორმდეს, რაც ხელმოწერილი იქნება რაზე შევთანხმდით, რომ რაღაცნაირად ვითანამშრომლოთ. მძიმე ვითარებაა, ხალხო, მარტივი არაა, მაგრამ ყველა მხარემ უნდა ვიზრუნოთ იმაზე, რომ გამოსავალი ვნახოთ "სტრატეგია აღმაშენებლის" მხრიდან სრული მზაობაა, მაგრამ ჩვენ ახლა დავადოთ თავი და პარლამენტში შევიდეთ ამას არცერთ ვარიანტში შეთანხმების დოკუმენტის გარეშე არ განვიხილავ. დიდი მადლობა ელჩებს, რომ ჩვენთან არსებულ პოლიტიკურ კრიზისს ამდენ დროს უთმობენ", - განაცხადა ვაშაძემ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა