2020 წლის 1-ელი დეკემბრიდან კომპანიების - მცხეთის წყლისა და „ჯორჯიან უოთერ ენდ ფაუერის“ გაერთიანების შედეგად ქალაქ მცხეთის აბონენტებს „ჯორჯიან უოთერ ენდ ფაუერი“ მოემსახურება.

როგორც „ინტერპრესნიუსს“ კომპანიის პრესსამსახურიდან აცნობეს, ქალაქ მცხეთის მოსახლეობის მაღალი ხარისხის სასმელი წყლით 24 საათიან რეჟიმში უზრუნველყოფას „ჯორჯიან უოთერ ენდ ფაუერი“ გააგრძელებს.

მათი ინფორმაციით, კომპანია მომხმარებლებს წყალმომარაგების სისტემაზე მიერთებასა და ახალ აბონენტად რეგისტრაციასთან დაკავშირებით სრულ მომსახურებას გაუწევს.

„ქალაქ მცხეთის მოსახლეობას წყალმომარაგების შესახებ ნებისმიერი ინფორმაციის მიღება შეუძლია „ჯორჯიან უოთერ ენდ ფაუერის“ ცხელი ხაზისა (032)2931111 და ვებგვერდის ონლაინ ჩათის საშუალებით (www.gwp.ge).

პანდემიის პერიოდში სერვის ცენტრის ოპერატორები მომხმარებლებს დისტანციურად მოემსახურებიან. შემდეგ კი ქალაქ მცხეთის სერვის ცენტრი მომხმარებლების მომსახურებას ჩვეულ რეჟიმში გააგრძელებს. ამ ეტაპზე განაცხადებისა და დოკუმენტაციის გაგზავნა შესაძლებელია კომპანიის ელექტრონულ ფოსტაზე online@gwp.ge. დისტანციური მომსახურების შესახებ დეტალური ინფორმაცია განთავსებულია კომპანიის ვებგვერდზე www.gwp.ge“,-აღნიშნულია ინფორმაციაში.