გიორგი გახარია - ის ნაბიჯი, რომელიც ვერცერთმა პოლიტიკურმა ძალამ, ბოლო 30 წლის განმავლობაში ვერ შეძლო, შეძლო „ქართულმა ოცნებამ", როდესაც დათანხმდა სრულად პროპორციულ საარჩევნო სისტემას

ჩვენ, ყველას კარგად გვესმის, რამხელა მნიშვნელობა აქვს იმ პოლიტიკურ პროცესს, რომელიც დღეს ქვეყანაში მიმდინარეობს, - ამის შესახებ საქართველოს პრემიერ-მინისტრმა გიორგი გახარიამ, საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიურ შეხვედრაზე - „ელჩების კონფერენცია 2020 - საქართველოს საგარეო პოლიტიკის პრიორიტეტები გლობალური პანდემიის პირობებში, ახალი გამოწვევები და შესაძლებლობები" სიტყვით გამოსვლისას განაცხადა, რომელიც ონლაინ ფორმატში იმართება.

მთავრობის მეთაურმა ხაზი გაუსვა, რომ ბოლო ერთი წლის განმავლობაში, მმართველმა ძალამ, ხელისუფლებამ, ყველაფერი გააკეთა იმისთვის, რომ ქვეყანაში, პოლიტიკურ პროცესში მეტი პლურალიზმი ყოფილიყო, საქართველოს მეტი მოქალაქის ხმა ყოფილიყო წარმოდგენილი საქართველოს პარლამენტში, უფრო მეტი ახალი ჯანსაღი პოლიტიკური ძალები გაჩენილიყვნენ.

„სწორედ ამიტომ და ამისთვის იყო მიმართული საარჩევნო რეფორმა, რომელიც პირდაპირ მიუთითებს, რომ პროპორციული სისტემა, საპარლამენტო დემოკრატიის პირობებში, რა თქმა უნდა, ნიშნავს პოლიტიკური კულტურის, პოლიტიკური ველის გაჯანსაღებას. რა თქმა უნდა, ეს ნიშნავს, შესაძლო ახალგაზრდა პოლიტიკური ძალებისთვის პოლიტიკურ ველზე შემოსვლის გამარტივებას. თუმცა, სამწუხაროდ, დღეს რაც გვაქვს, ცოტა სხვა შედეგი მივიღეთ, თუმცა უნდა გვესმოდეს, რომ დემოკრატიზაციის პროცესი არის საკმაოდ რთული, მიზანი და გენერალური ხაზი, რა თქმა უნდა, იყო სწორი, მაგრამ, როგორც ჩანს, ცოტა უფრო მეტი მუშაობა მოგვიწევს. სწორედ ამისთვის არის გადადგმული ის ნაბიჯი, რომელიც ვერცერთმა პოლიტიკურმა ძალამ, ბოლო 30 წლის განმავლობაში ვერ შეძლო, ეს შეძლო „ქართულმა ოცნებამ", როდესაც დათანხმდა სრულად პროპორციულ საარჩევნო სისტემას. ქართული დემოკრატიისთვის, გრძელვადიან, თუნდაც საშუალოვადიან პერსპექტივაში, ის საარჩევნო ცვლილებები, რომელიც იყო მიღებული და ის არჩევნები, რომელიც ჩატარდა, რა თქმა უნდა, არის პროგრესი, იმიტომ, რომ ჩვენ, როგორც შედეგი, დღეს მივიღეთ, ხაზგასმით აღვნიშნავ, პანდემიის პირობებში, დაახლოებით 2 მლნ მოქალაქე, რომელიც სრული პასუხისმგებლობით მივიდა საარჩევნო ყუთთან და მისცა ხმა, შედეგად ჩვენ მივიღეთ პარლამენტი, სადაც გვყავს 9 პოლიტიკური ძალა, პირველად, ქვეყნის ისტორიაში და ჩვენ მივიღეთ პარლამენტი, რომლის დიდი ნაწილიც არის არჩეული პროპორციული სისტემით", - განაცხადა პრემიერმა.

გიორგი გახარიამ აღნიშნა, რომ ეს არის დემოკრატიული პროცესის პროგრესი. „რა თქმა უნდა, ჩვენ ყველაფერი უნდა გავაკეთოთ იმისთვის, რომ ეს მიღწევა იყოს შენარჩუნებული, იმიტომ, რომ პოლარიზაციის ის ხარისხი, რომელსაც ჩვენ ახლა დღეს ვხედავთ, სამწუხაროდ, სწორედ ამ მიღწევას უქმნის რისკს. ეს არის ყველაზე დიდი გამოწვევა, რომელსაც ჩვენ უნდა ვუპასუხოთ",- განაცხადა მთავრობის მეთაურმა.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან