აკაკი ბობოხიძე - რომელიმე ცალკეული პიროვნება პარლამენტში სურათს ვერ შეცვლის

„ევროპული საქართველოს“ წევრის, აკაკი ბობოხიძის აზრით, „პატრიოტთა ალიანსის“ საარჩევნო სიის მეოთხე ნომრის, ავთანდილ ენუქიძის გადაწყვეტილება პარლამენტში შესვლის შესახებ, საკანონმდებლო ორგანოში არსებულ სურათს ვერ შეცვლის.

ხოლო ბობოხიძის თქმით, თუ ენუქიძე პარლამენტში პარტიის სახელით შევა, „პატრიოტთა ალიანსს“ საკუთარი ამომრჩევლებისთვის პასუხის გაცემა მოუწევს.

„ოპოზიციურ ერთობაში „პატრიოტთა ალიანსი“ არც მოიაზრებოდა, თუმცა ჩვენ მოხარული ვიყავით, რომ „პატრიოტთა ალიანსი“ ბოიკოტს უცხადებდა პარლამენტს. მე იმედი მაქვს, რომ ისინი ბოლომდე შეასრულებენ თავიანთ სიტყვას. რაც შეეხება ბატონი ავთანდილ ენუქიძე დარჩება თუ არა, მე მას ნაკლებად ვიცნობ, როგორც პოლიტიკურ ფიგურას და ვფიქრობ, რომ „პატრიოტთა ალიანსი“, როგორც პოლიტიკური ძალა, თავისი გადაწყვეტილების ერთგული დარჩება ბოლომდე, ხოლო რომელიმე ცალკეული პიროვნება რეალურად სურათს მაინც ვერ შეცვლის. თუ „პატრიოტთა ალიანსი“ შეცვლის გადაწყვეტილებას და როგორც პარტიის წევრი, ისე დარჩება ავთანდილ ენუქიძე პარლამენტში, ასეთ შემთხვევაში ყველა პარტიას მოუწევს პასუხისმგებლობა საკუთარ ამომრჩეველთან“, - განაცხადა ბობოხიძემ.

იხილეთ ვიდეო:აკაკი ბობოხიძე - რომელიმე ცალკეული პიროვნება პარლამენტში სურათს ვერ შეცვლის

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე