„ემპათია“ - ადამიანის უფლებათა ევროპულმა სასამართლომ წარმოებაში მიიღო საჩივარი გიორგი მუმლაძის და გ. ჭ.-ს მიმართ ადამიანის უფლებათა უხეშ დარღვევასთან დაკავშირებით

„ემპათიას“ ინფორმაციით, ადამიანის უფლებათა ევროპულმა სასამართლომ წარმოებაში მიიღო საჩივარი გიორგი მუმლაძის და გ. ჭ.-ს მიმართ ადამიანის უფლებათა უხეშ დარღვევასთან დაკავშირებით.

როგორც „ემპათიას“ მიერ გავრცელებულ ინფორმაციაშია ნათქვამი, ცენტრი „ემპათია“ 2019 წლის 20-21 ივნისს, საქართველოს პარლამენტის შენობის მიმდებარე ტერიტორიაზე, განხორციელებული საპოლიციო ღონისძიების შედეგად დაზარალებულ პირებს იცავს და წარმოადგენს მათ, როგორც შიდასახელმწიფოებრივ, აგრეთვე საერთაშორისო ინსტანციებში.

„ადამიანის უფლებათა ევროპულმა სასამართლომ წარმოებაში მიიღო ცენტრი „ემპათია“-ს მიერ წარდგენილი საჩივარი გიორგი მუმლაძის მიმართ ადამიანის უფლებათა უხეშ დარღვევასთან დაკავშირებით და საქმეს მიენიჭა შესაბამისი ნომერი. სასამართლო შესაძლებლობისთანავე განიხილავს წარდგენილ საჩივარს თანდართული დოკუმენტაციისა და მტკიცებულებების ჩათვლით. გაცნობებთ, რომ გიორგი მუმლაძის საქმეზე სასამართლო განიხილავს ადამიანის უფლებათა ევროპული კონვენციის მესამე, მეექვსე და მეცამეტე მუხლების შესაძლო დარღვევას, რაც გულისხმობს წამებას, არაადამიანურ მოპყრობასა და დამამცირებელ დასჯას, სამედიცინო დაუხმარებლობას სავარაუდო მსხვერპლის მიმართ, საქმის სამართლიანი განხილვის უფლების დარღვევას, სამართლებრივი დაცვის ქმედითი საშუალების უფლების დარღვევას", - ნათქვამია ინფორმაციაში.

მათივე ცნობით, ადამიანის უფლებათა ევროპულმა სასამართლომ წარმოებაში მიიღო ცენტრი „ემპათიას“ მიერ წარდგენილი კიდევ ერთი საჩივარი გ. ჭ. მიმართ ადამიანის უფლებათა უხეშ დარღვევასთან დაკავშირებით და საქმეს მიენიჭა შესაბამისი ნომერი.

„სასამართლომ დაიწყო კომუნიცირების ეტაპის პირველი ფაზა, რომლის დროსაც რესპოდენტ მთავრობას ეძლევა დავის მორიგებით გადაწყვეტის შესაძლებლობა კანონდარღვევის ცნობისა და შესაბამისი კომპენსაციის ნებაყოფლობით უზრუნველყოფის შემთხვევაში. აქვე გაცნობებთ, რომ ბატონი გ.ჭ. საქმეზე სასამართლო განიხილავს ადამიანის უფლებათა ევროპული კონვენციის მესამე და მეექვსე მუხლების დარღვევას, რაც გულისხმობს წამებისა და არასათანადო მოპყრობის აკრძალვის, საქმის სამართლიანი განხილვის უფლებისა და სამართლებრივი დაცვის ქმედითი საშუალების უფლების დარღვევას.

ცენტრი „ემპათია“ აგრძელებს მუშაობას აღნიშნულ საქმეებზე, რათა ადამიანის უფლებათა ევროპული სასამართლო უზრუნველყოფილ იქნეს საქმის ყოველმხრივი გამოკვლევისა და საქმეზე ჭეშმარიტების დადგენისათვის ყველა აუცილებელი დოკუმენტითა და მტკიცებულებით.

ცენტრი „ემპათია“ მიმართავს პირებს, რომლებიც თავს სახელმწიფოსაგან განხორციელებული ძალადობის მსხვერპლად მიიჩნევენ, მიმართონ ცენტრს ცხელი ხაზისა და ელექტრონული ფოსტის მეშვეობით, ან მიაკითხონ ორგანიზაციის ოფისს", - აღნიშნულია ინფორმაციაში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა