საგარეო ურთიერთობათა კომიტეტის თავმჯდომარის განცხადებით, „საგარეო პოლიტიკის შესახებ რეზოლუციის პროექტში" ახალი პუნქტი გაჩნდა საერთაშორისო დავებთან დაკავშირებით
პარლამენტის საგარეო ურთიერთობათა კომიტეტის თავმჯდომარის ნიკოლოზ სამხარაძის განცხადებით, „საგარეო პოლიტიკის შესახებ რეზოლუციის პროექტში" ახალი პუნქტი გაჩნდა საერთაშორისო დავებთან დაკავშირებით, რომელსაც საქართველო რუსეთის ფედერაციის წინააღმდეგ 2008 წლის ომთან დაკავშირებით აწარმოებს.
ამასთან, როგორც მან საგარეო კომიტეტის დასრულების შემდეგ ჟურნალისტებს განუცხადა, პუნქტების უმრავლესობაში დაზუსტებები შევიდა. სამხარაძე იმედოვნებს, რომ რეზოლუციის პროექტი, რომელიც პლენარულ სხდომაზე განიხილება, დღესვე დამტკიცდება.
„გარდა ამისა, ორად გაიყო ევროკავშირის მუხლი, იმიტომ, რომ ცალკე გამოიყო უშუალოდ ევროკავშირთან ურთიერთობები, როგორც ჩვენს მთავარ სტრატეგიულ პარტნიორთან. ასევე, ცალკე გამოიყო ევროპის ქვეყნებთან ურთიერთობები იქიდან გამომდინარე, რომ ჩვენ ევროპის ქვეყნებთან ყველასთან განურჩევლად გვაქვს ძალიან მეგობრული, ახლო პარტნიორული ურთიერთობა. ამიტომ, საჭიროდ ჩავთვალეთ, რომ ეს პუნქტი ცალკე გამოგვეყო, როგორც საგარეო პოლიტიკის ერთ-ერთი პრიორიტეტი", - განაცხადა სამხარაძემ.
v-if="article.gallery" v-html="article.gallery"
