გიგი უგულავა  - “ჭირვეულის მორჯულება” ხდება - ოპოზიციამ საშინაო დავალება პირნათლად შეასრულა, ახლა ჯერი ხელისუფლებაზეა

ოპოზიციამ საშინაო დავალება პირნათლად შეასრულა, ახლა ჯერი არის ხელისუფლებაზეა, - ამის შესახებ “ევროპული საქართველოს” ერთ-ერთმა ლიდერმა გიგი უგულავამ ჟურნალისტებთან საუბრისას განაცხადა.

მისივე თქმით, ოპოზიცია არის ბოიკოტის რეჟიმში - ეს არის ფაქტი და დანარჩენი ყველაფერი არის, სურვილები, სპეკულაციები და ბიძინა ივანიშვილთან ქულების ჩაწერის მცდელობები.

"ჩვენ ვნახეთ ფაქტი, რომ პირველი მოწვევა და პარლამენტის მომდევნო სხდომებზე “ქართული ოცნება” არის მარტო. ჩვენ ვნახეთ ფაქტები, რომ 50-ზე მეტმა დეპუტატმა შეიტანა განცხადება უფლებამოსილების შეწყვეტის შესახებ და ჩვენ ასევე, მიუხედავად ბაქიბუქისა “ქართული ოცნების” მხრიდან ვხედავთ ფაქტებს, რომ მათ შეეძლოთ ამ განცხადებების კენჭისყრა ამ კვირაში, მაგრამ გადადეს ერთი თვით. მათ შეეძლოთ ის დრაკონული კანონები, ანტიკონსტიტუციური კანონები მიეღოთ ამ კვირაში, მაგრამ განუსაზღვრელი დროით გადადეს. ეს იმისთვის არის, რომ ისინი ბაქიბუქობენ, მაგრამ ნელ-ნელა მაინც “ჭირვეულის მორჯულება” ხდება და გრძნობენ, რომ გამოსავალი არანაირი არ არის, არც კანონების მიღებაში, არც უფლებამოსილების შეწყვეტაში. ოპოზიციამ საშინაო დავალება პირნათლად შეასრულა, ახლა ჯერი არის ხელისუფლებაზე, ამიტომ ხელისუფლებამ გაწელა ეს პროცესი?! მაშინ თვითონვე მოვა მოლაპარაკებების მაგიდასთან. ხელისუფლება და უმრავლესობა არის მარტო და ოპოზიცია არის ბოიკოტის რეჟიმში ეს არის ფაქტი, დანარჩენი ყველაფერი არის, სურვილები, სპეკულაციები და ივანიშვილთან ქულების ჩაწერის მცდელობები”, - განაცხადა უგულავამ.

გარდა ამის,ა გიგი უგულავამ კოლეგა ოპოზიციოონერებს მოუწოდა, რომ გამოსვლების დროს თავი შეიკავონ შეურაცხმყოფელი განცხადებებისგან და იყვნენ მოზომილები.

“მინდა მოვუწოდო ჩემს ყველა ოპოზიციონერ კოლეგას, რომ უხეში და შეურაცხმყოფელი გამონათქვამებისგან თავი შეიკავონ, იმიტომ, რომ განსხვავებული აზრი შეიძლება არსებობდეს, მაგრამ ასევე ჩვენ ვხედავთ, რომ ფუნდამენტურ საკითხზე რასაც ჰქვია არჩევნების მიმართ დამოკიდებულება, რომ ის ტოტალურად გაყალბდა და სამწუხაროდ, ბოიკოტი არის ერთადერთი სწორი ფორმა, ამაში ვართ ერთიანი, ამიტომ გამონათქვამები უნდა მოვზომოთ იმისათვის, რომ ვიყოთ მოზომილები და იმისათვის, რომ ერთიანობას საფრთხე არ შეექმნას”, - განაცხადა გიგი უგულავამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა