საგამოძიებო სამსახურის და უკრაინის სახელმწიფო ფისკალური სამსახურის ხელმძღვანელებს შორის ონლაინ-შეხვედრა გაიმართა

საქართველოს ფინანსთა სამინისტროს საგამოძიებო სამსახურის და უკრაინის სახელმწიფო ფისკალური სამსახურის ხელმძღვანელებს შორის გაცნობითი ხასიათის ონლაინ-შეხვედრა გაიმართა. როგორც „ინტერპრესნიუსს“ ფინანსთა სამინისტროდან აცნობეს, შეხვედრას უძღვებოდნენ საგამოძიებო სამსახურის უფროსი სოსო რამიშვილი და უკრაინის სახელმწიფო ფისკალური სამსახურის უფროსი ვადიმ მელნიკი.

„მხარეებმა მიმოიხილეს საფინანსო-ეკონომიკური დანაშაულის წინააღდეგ ბრძოლის კონკრეტული მიმართულებები, რომლებიც მიმდინარე ეტაპზე მეტად აქტუალურია ორივე ქვეყნის კოლეგა სამართალდამცავი უწყებებისთვის. უკრაინული მხარის თხოვნით, მათ მიეწოდათ დეტალური ინფორმაცია საგამოძიებო სამსახურის საქმიანობის მარეგულირებელი სამართლებრივი აქტებისა და კონკრეტული თავისებურების შესახებ. შეხვედრის მიმდინარეობისას განხილული იქნა აგრეთვე სამომავლო პროფესიული თანამშრომლობის სავარაუდო მიმართულებები. მიღწეული იქნა შეთანხმება, რომ ანალოგიურ ფორმატში ინტენსიურად გაგრძელდეს სამუშაო შეხვედრები ორ უწყებას შორის - შესაბამისი კომპეტენციის მქონე სხვადასხვა რგოლების ჩართულობით. შეხვედრას ასევე დაესწრნენ კოლეგა უწყებების სხვა ხელმძღვანელი პირები“,- აცხადებენ უწყებაში.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის