ვაშინგტონის პოლიციის უფროსის ინფორმაციით, კაპიტოლიუმში მომხდარი არეულობის დროს 13 ადამიანი დააკავეს
ვაშინგტონის პოლიციის დეპარტამენტის უფროსის, რობერტ კონტის, განცადებით, კაპიტოლიუმში მომხდარი არეულობის დროს 13 ადამიანი დააკავეს.
„მსურს, ძალიან მნიშვნელოვანი ინფორმაცია მოგაწოდოთ: არცერთი დაპატიმრებული ვაშინგტონის მკვიდრი არ არის,“- განაცხადა კონტიმ.
მისივე თქმით, რამდენიმე დაშავებულ პოლიციელს სამედიცინო დახმარებას უწევენ.
ვაშინგტონის პოლიციის დეპარტამენტის უფროსის ინფორმაციით, სამართალდამცავებმა რამდენიმე პირს იარაღი ჩამოართვეს.
ცნობისთვის, მოქმედი პრეზიდენტის, დონალდ ტრამპის მომხრეები კაპიტოლიუმში შეიჭრნენ, სადაც კონგრესის გაერთიანებული სხდომა მიმდინარეობდა. სესიაზე ამომრჩეველთა კოლეგიის ხმის მიცემის შედეგები უნდა დაემტკიცებინათ.
