ზურაბ ჯაფარიძე - ზღაპარი და ილუზიაა, რომ დღეს „ქართული ოცნება“ რამეს დათმობს - გამოსავალი არის ბრძოლაში

პარტია „მეტი თავისუფლება-გირჩის“ ლიდერი, ზურაბ (გირჩი) ჯაფარიძე მიიჩნევს, რომ ქვეყანაში არსებული პოლიტიკური კრიზისის გადასაჭრელად ერთადერთი გამოსავალი არის ბრძოლა და „ქართული ოცნებისთვის“ ძალაუფლების ჩამორთმევა.

როგორც მან „პალიტრანიუსის“ გადაცემა "360 გრადუსში" განაცხადა, ილუზიაა ის, რომ დღეს ოპოზიციის ბრძოლის გარეშე, „ქართული ოცნება“ რამეს დათმობს.

„გამოსავალი არის ბრძოლაში. მე სხვა გამოსავალი არ ვიცი. გამოსავალი არის ის, რომ „ოცნებამ“ საბოლოოდ ხელისუფლება უნდა დათმოს. აქამდე უნდა მივიდეთ წყნარად, მშვიდობიანად, ცივილიზებულად. როგორ უნდა გავაკეთოთ ეს, ამაზე ბევრი გზის მოფიქრება არის აუცილებელი და შემდეგ გასაკეთებელი. ბრძოლის გარდა, არანაირი გამოსავალი არ არსებობს. ზღაპარი და ილუზიაა ის, რომ დღეს „ქართული ოცნება“ რამეს დათმობს. ამაში იგულისხმება სერიოზული დათმობა ძალაუფლებასთან მიმართებით, რადგან არანაირი მასტიმულირებელი, რომ მათ ძალაუფლება დათმონ, არ არის. არც გარედან აქვთ განსაკუთრებული წნეხი და არც ქვეყნის შიგნით არ იგრძნობა განსაკუთრებული პროტესტი სრულიად გიჟური კორონა რეგულაციების ფონზე, ადამიანები მონების მდგომარეობაში ჰყავთ და ამასაც კი, ძალიან ცოტა ადამიანი აპროტესტებს“,-განაცხადა ჯაფარიძემ.

მისი შეფასებით, შექმნილ სიტუაციაში „ქართული ოცნება“ კომფორტულად გრძნობს თავს, თუმცა არ სურს, რომ საერთაშორისო საზოგადოების თვალში დესტრუქციულ ძალად გამოჩნდეს.

„ქართული ოცნება“ ამ მდგომარეობაში ძალიან კომფორტულად გრძნობს თავს. ერთადერთი, რაც აწუხებს არის ის, რომ არ გამოჩნდნენ დესტრუქციულები მომლაპარაკებლების თვალში და ამასაც მეტ-ნაკლებად ახერხებენ. სხვა რაიმე წნეხი მათზე არ არის, რომ ძალაუფლება დათმონ“,-აღნიშნა ჯაფარიძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი