მცხეთის რაიონულ სასამართლოში ფეხბურთელ გიორგი შაქარაშვილის მკვლელობაში ბრალდებული 5 პირის სასამართლო პროცესი მიმდინარეობს. დღევანდელი სხდომა კვლავ ბრალდების მხარის მტკიცებულებების გამოკვლევით განახლდება. სავარაუდოდ, პროკურატურა საკუთარი მტკიცებულებების გამოკვლევას დღეს დაასრულებს, მომდევნო სხდომებიდან კი, დაცვის მხარე დაიწყებს.
ცნობისთვის, ფეხბურთელ გიორგი შაქარაშვილის მკვლელობის საქმეზე ბრალდებულები არიან: არჩილ გაგნიძე, ვახტანგ ჩიქოვანი, ნიკოლოზ რევაზიშვილი, ზ.ხ. და ა.ქ.