ლევან იოსელიანი თეა წულუკიანს - თქვენ გვარამიას ნომერი გამოგვიცხადეთ, რომელიც ისედაც გვაქვს, კარგი იქნება, თუ თქვენ ნომერს გამოაცხადებთ

ქალბატონო თეა, თქვენ გვარამიას ნომერი გამოგვიცხადეთ, რომელიც ისედაც გვაქვს. კარგი იქნება, თუ თქვენ ნომერს გამოაცხადებთ, - ასე მიმართა პარტია „მოქალაქეების“ ლიდერმა ლევან იოსელიანმა პარლამენტის განათლების კომიტეტის თავმჯდომარეს, თეა წულუკიანს პლენარულ სხდომაზე მას შემდეგ, რაც წულუკიანმა “მთავარი არხის“ გენერალური დირექტორის, ნიკა გვარამიას ნომერი გამოაცხადა.

ამასთან, ლევან იოსელიანმა „ქართული ოცნების“ დეპუტატების მხრიდან გაკეთებული განცხადებების საპასუხოდ აღნიშნა, რომ არ არსებობს პოლიტიკური ჯგუფი, რომელსაც მის გადაწყვეტილებაზე გავლენის მოხდენა შეუძლია.

„თუ რამე დავამტკიცეთ მთელი ამ დროის განმავლობაში, დავამტკიცეთ ყველაზე მთავარი, რომ არ არსებობს ძალა, ადამიანი, პოლიტიკური ჯგუფი, რომელსაც შეუძლია ჩვენზე გავლენა მოახდინოს და გაგვაკეთებინოს ის, რისიც არ გვჯერა და არ მიგვაჩნია ამ ქვეყნისთვის უკეთესად. ქალბატონო თეა, თქვენ გვარამიას ნომერი გამოგვიცხადეთ, რომელიც ისედაც გვაქვს. კარგი იქნება, თუ თქვენ ნომერს გამოაცხადებთ და ამით მოისმენთ იმ ადამინების წუხილს, ვინც ამ ქვეყანაში ცხოვრობს, ეკრანს უყურებს და ელოდება, რომ მათ პრობლემებზე იქნება საუბარი. კარგი იქნება თუ თქვენ ნომერს გამოაცხადებთ, თუ ამაზე მიდის შეჯიბრი, ალეკომ თავისი ნომერი დადო, გვარამიას ნომერი ყველას აქვს, თეა წულუკიანის ნომერიც თუ იქნება, ეს იქნება მხოლოდ კარგი.

მე მინდოდა, რომ ამ დარბაზში უფლებამოსილების შეწყვეტასთან დაკავშირებით გადაწყვეტილებისგან თავის შეკავების თაობაზე მომეწოდებინა, თუმცა რა გადაწყვეტილებაც მიიღეთ, მხოლოდ კარგია. სწორია, რომ არ შეუწყვიტოთ მანდატები ოპოზიციას, სწორია, რომ დატოვოთ სივრცე იმისთვის, რომ კონსულტაციები გაგრძელდეს და საბოლოო ჯამში სწორია, რომ ყველა ოპოზიციონერი დეპუტატი იყოს აქ, ამ დარბაზში და ვსაუბრობდეთ ხალხზე, მათ პრობლემებზე“, - აღნიშნა იოსელიანმა.

იხილეთ ვიდეო:თქვენ გვარამიას ნომერი გამოგვიცხადეთ, რომელიც ისედაც გვაქვს, კარგი იქნება, თუ თქვენ ნომერს გამოაცხადებთ - ლევან იოსელიანი თეა წულუკიანს

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი