მიხეილ ჩხენკელმა ბრიტანეთის ელჩთან განათლების სისტემაში მიმდინარე პროექტები და თანამშრომლობის გაფართოების შესაძლებლობები განიხილა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ბრიტანეთის ელჩს საქართველოში მარკ კლეიტონს უმასპინძლა და მასთან განათლების სისტემაში მიმდინარე პროექტები და თანამშრომლობის გაფართოების შესაძლებლობები განიხილა. ამის შესახებ ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს.

მათივე ინფორმაციით, მიხეილ ჩხენკელმა ელჩს მადლობა გადაუხადა განათლების სფეროში განხორციელებული არაერთი მნიშვნელოვანი და ნაყოფიერი პროექტისთვის და აღნიშნა, რომ ორ ქვეყანას შორის განათლებისა და კულტურის სფეროებში ურთიერთობების გაღრმავებას ხელს განსაკუთრებულად უწყობს ბრიტანეთის საბჭო საქართველოში (British Council). შეხვედრაზე მხარეებმა ერთმანეთს თავიანთი ქვეყნების გამოცდილება გაუზიარეს Covid-19-ის პანდემიის პირობებში განათლების უწყვეტი პროცესის უზრუნველყოფის მიმართულებით.

მიხეილ ჩხენკელმა ხაზგასმით აღნიშნა, რომ სამინისტროს მთავარ მიზანს ზოგადი, უმაღლესი და პროფესიული განათლების ინტერნაციონალიზაცია და მსოფლიო მასშტაბით კონკურენტუნარიანი კადრების აღზრდა წარმოადგენს. პროფესიული განათლების მიმართულებით ნაყოფიერი თანამშრომლობის მაგალითია დიდი ბრიტანეთის სახელმწიფო პროფესიულ სასწავლებელს "Portsmouth College"-სა და ბათუმის სახელმწიფო საზღვაო აკადემიას შორის გაფორმებული მემორანდუმი, რომლის ფარგლებში არაერთი ერთობლივი პროექტი და გაცვლითი პროგრამა განხორციელდება.

,,მინისტრის თქმით, უმაღლესი განათლების სისტემის ინტერნაციონალიზაციისაკენ გადადგმული მნიშვნელოვანი ნაბიჯია მსოფლიო დონის ორი მეგა-პროექტი – ქუთაისის საერთაშორისო უნივერსიტეტი და ადრონული თერაპიის ცენტრი. ერთი მხრივ, უნივერსიტეტში მოქმედებს მიუნხენის ტექნიკურ უნივერსიტეტთან თანამშრომლობის შედეგად შექმნილი საგანმანათლებლო პროგრამები. აღსანიშნავია, რომ მომდევნო წლებშიც განათლების სამივე საფეხურისათვის სწორედ მსოფლიოს წამყვანი უნივერსიტეტების აკადემიურ პროგრამებზე დაფუძნებული ახალი საგანმანათლებლო პროგრამების დანერგვა იგეგმება. მეორე მხრივ, კი ქუთაისის საერთაშორისო უნივერსიტეტში ლექციებს ქართველ პროფესორებთან ერთად უცხოელი პროფესორები კითხულობენ.

როგორც მინისტრმა განაცხადა, ქუთაისის საერთაშორისო უნივერსიტეტი მზად არის სხვა ბრიტანულ უნივერსიტეტებთან ერთობლივი სამეცნიერო პროექტების განსახორციელებლად და აკადემიური პროგრამების დასანერგად. მინისტრმა ხაზი გაუსვა, რომ ქუთაისის საერთაშორისო უნივერსიტეტის იდეისა და კონცეფციის ავტორია ბატონი ბიძინა ივანიშვილი. რაც შეეხება სამეცნიერო-კვლევით პროცესს ქუთაისის საერთაშორისო უნივერსიტეტში, ამ მხრივ უაღრესად მნიშვნელოვანია ადრონული თერაპიის ცენტრის დაფუძნება, რომელიც საქართველოში მეცნიერების განვითარებას შეუწყობს ხელს. ცენტრში განთავსდება ორი ციკლოტრონი, ერთი სიმსივნის მკურნალობისათვის ულტრათანამედროვე მეთოდებით, ხოლო მეორე – კვლევისთვის ბირთვულ ექსპერიმენტულ ფიზიკაში, რადიაციულ ბიოფიზიკასა და ქიმიაში. მიხეილ ჩხენკელმა განმარტა, რომ ულტრათანამედროვე მეთოდი – პროტონული თერაპია – ეს არის სხივური თერაპიის ფორმა, რომელიც იძლევა შესაძლებლობას, ებრძოლოს დაზიანებულ უჯრედებს და უვნებელი დატოვოს ჯანსაღი, რაც განსაკუთრებით მნიშვნელოვანია სიმსივნით დაავადებული ბავშვების მკურნალობისთვის. მინისტრის თქმით, უცხოელმა მეცნიერებმა უკვე გამოთქვეს მზადყოფნა, ქართველ მეცნიერებთან ერთად ჩაერთონ აღნიშნულ კვლევებში. ადრონული თერაპიის ცენტრს აფინანსებს და ახორციელებს საერთაშორისო საქველმოქმედო ფონდი „ქართუ“. შეხვედრაზე მხარეებმა კულტურისა და სპორტის მიმართულებით თანამშრომლობის გაღრმავების პერსპექტივებიც განიხილეს. თავის მხრივ, მარკ კლეიტონმა საგანმანათლებლო პროექტების ფარგლებში თანამშრომლობის გაფართოების მზადყოფნა გამოთქვა. შეხვედრას საქართველოში ბრიტანეთის საბჭოს გენერალური დირექტორი ზაზა ფურცელაძე ესწრებოდა“, - ნათქვამია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი