მოძრაობა "ხალხისთვის" ლიდერის ანა დოლიძის განცხადებით, ოპოზიციის მოქმედების გეგმა არ ჩანს.

როგორც ანა დოლიძემ „პალიტრანიუსის“ გადაცემა „360 გრადუსში“ განაცხადა, „მარკშეიდერის“ მდგომარეობაში ოპოზიცია არ შეიძლება იყოს და ელოდებოდეს მეხუთე რაუნდს.

„ოპოზიციამ ოთხი მოთხოვნა ჩამოაყალიბა. ხელისუფლება ამ მოთხოვნებიდან მთავარს არ მიყვება, დანარჩენს რაღაცა სახეცვლილი ფორმით თითქოს, მიყვება. ოპოზიცია ამბობს: ჩვენ ველოდებით, მოლაპარაკებების მეხუთე რაუნდს, მაგრამ ახლა საზოგადოებას სჭირდება ოპოზიციისგან მოქმედება. ამხელა პოლიტიკური გაერთიანებებია, აიღონ საზოგადოებრივი დღის წესრიგიდან რაღაც საკითხები. ლოდინის პირობებში, „მარკშეიდერის“ მდგომარეობაში ოპოზიცია არ შეიძლება იყოს - ელოდებოდეს მეხუთე რაუნდს. მათ მოქმედების გეგმა უნდა წარმოადგინონ“, - განაცხადა დოლიძემ.