საბა ბუაძის განცხადებით, ხელისუფლებამ "კომენდატის საათი" უნდა გადაწიოს ან გააუქმოს

„ლელო საქართველოსთვის“ წევრის, საბა ბუაძის განცხადებით, კორონავირუსის გავრცელების პრევენციისთვის დაწესებული რეგულაციების შემსუბუქება გამოსავალი არ არის. როგორც ბუაძემ რუსთაველის გამზირზე ჟურნალისტებს განუცხადა, იმ სფეროებს, რომლებსაც კოლოსალური ზიანი მიადგათ და იმ ადამიანებს, რომლებიც ყველაფრის დაკარგვის პირას არიან, ხელისუფლებამ ძალიან კონკრეტული გამოსავალი უნდა შესთავაზოს და დახმარების ხელი გაუწოდოს.

„მე ამ აქციას ვუერთდები იმიტომ, რომ შერჩევითად და ნაწილობრივ ასე ეშმაკურად შემსუბუქება არ იძლევა ეფექტს ჩვენი ძალიან მძიმე ეკონომიკურ მდგომარეობაში მყოფი ეკონომიკისთვის და ჩვენ აუცილებლად მიგვაჩნია, რომ ეს რეგულაციები გონივრულად შემსუბუქდეს ყველა სფეროსთვის. ხელისუფლებამ ასევე გადაწიოს ან გააუქმოს ის „კომენდანტის საათი“, რომელიც აზრს აკარგვინებს ყველა იმ მოხსნილ შეზღუდვას, რომელიც ამ დღეებში შეამსუბუქეს. თუ „კომენდანტის საათი“ არ მოიხსნება, საზოგადოებრივ ტრანსპორტში გადაადგილებას ექნება საპირისპირო ეფექტი და ვერ იქნება ვერანიარად გამართლებული და სავაჭრო ცენტრებიც ვერ შეძლებენ იმ დაგეგმილი ეფექტის მიღებას, რომელიც ეკონომიკის გახსნით უნდა მიიღონ. ამიტომაც აუცილბელია მოხდეს ამ რეგულაციების შემსუბუქება. ერთი საკითხი არის ყველაზე მნიშვნელოვანი, რეგულაციების შემსუბუქება არ არის გამოსავალი, ხელისუფლებას თუ ჰგონია, რომ ამით ვინმეს ვალს დაადებს და შეზღუდვების მოხსნით ხელებს დაიბანს, ძალიან ცდებიან. იმ სფეროებს, რომლებსაც კოლოსალური ზიანი მიადგათ და იმ ადამიანებს, რომლებიც არიან ყველაფრის დაკარგვის პირას, ხელისუფლებამ ძალიან კონკრეტული გამოსავალი უნდა შესთავაზოს და გაუწოდოს დახმარების ხელი, რათა ეკონომიკა არ ჩამოიშალოს და ხალხი არ დარჩეს ამ ძალიან სასოწარკვეთილ მდგომარეობაში“, - განაცხადა ბუაძემ.

ცნობისთვის, რუსთაველის გამზირზე, პარლამენტის შენობის წინ სამოქალაქო აქტივისტები “დაუმორჩილებლობის მარშისთვის” ემზადებიან. აქტივისტები აცხადებენ, ისინი 21:00 საათზე, ე.წ.კომენდანტის საათის დროს, “დაუმორჩილებლობის ბრჭყვიალა მარშს“ მოაწყობენ. მათი მთავარი მოთხოვნა „კომენდანტის საათის” გაუქმება და არსებული რეგულაციების მოხსნაა. სამოქალაქო აქტივისტებს შეუერთდნენ ბიზნეს სექტორის წარმომადგენლები და პოლიტიკოსები.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი