სამხრეთ აფრიკამ AstraZeneca-ს ვაქცინის გამოყენება დროებით შეაჩერა
სამხრეთ აფრიკის ჯანდაცვის უწყებამ AstraZeneca-ს მიერ შექმნილი კორონავირუსის საწინააღმდეგო ვაქცინის გამოყენება ქვეყანაშიდროებით შეაჩერა, - CNN-ის ინფორმაციით, ამის შესახებ სამხრეთ აფრიკის ჯანდაცვის მინისტრმა ზველი მხიზემ განაცხადა.
მისი განმარტებით, გადაწყვეტილების მიზეზი კვლევის შედეგია, რომლის თანახმადაც, AstraZeneca-ს ვაქცინა „სამხრეთ აფრიკული“ ვარიანტის წინააღმდეგ ნაკლებად ეფექტური აღმოჩნდა.
ზველი მხიზემ განაცხადა, რომ ქვეყანა Pfizer / BioNTech- ისა და Johnson & Johnson- ის მიერ შექმნილი ვაქცინების განაწილებას განაგრძობს.
ცნობისათვის, AstraZeneca-ს ინფორმაციით, სამხრეთ აფრიკის ვიტვატერსრანდის უნივერსიტეტისა და ოქსფორდის უნივერსიტეტის მეცნიერების მიერ ჩატარებულმა კვლევამ აჩვენა, რომ AstraZeneca-ს ვაქცინა კორონავირუსის ე.წ. „სამხრეთ აფრიკული“ ვარიანტის მსუბუქი და საშუალო ფორმების წინააღმდეგ ნაკლებად ეფექტურია.
იხილეთ ვიდოე:სამხრეთ აფრიკამ AstraZeneca-ს ვაქცინის გამოყენება დროებით შეაჩერა
v-if="article.gallery" v-html="article.gallery"
