განათლების მინისტრის მიხეილ ჩხენკელის განცხადებით, თბილისის 24-ე სკოლის საჯარო სკოლის დირექტორის მოადგილის ქცევაზე შესაბამისი რეაგირება იქნება. როგორც მან უწყებათაშორისი საკოორდინაციო საბჭოს სხდომის დასრულების შემდეგ ჟურნალისტებს განუცხადა, სამინისტრომ სკოლას საკითხის შესწავლა დაავალა.

„ჩვენ მივმართეთ სკოლას, რომ შესაბამისმა კომიტეტმა, საბჭომ განიხილოს დირექტორის მოადგილის ქცევა. ამაზე იქნება შესაბამისი რეაგირება“, - განაცხადა ჩხენკელმა.

ცნობისთვის, „ტვ პირველის“ ეთერში სიუჟეტი გავიდა, სადაც დირექტორის მოადგილე ამბობს, რომ კოვიდაფეთქებას გამიზნულად მოაწყობს, რათა დისტანციურ სწავლებას ისევ დაუბრუნდნენ.