უკრაინის საგარეო უწყება საქართველოს ხელისუფლებას საქართველოში დაკავებული უკრაინის ორი მოქალაქის საქმის სწრაფი და მიუკერძოებელი განხილვისკენ მოუწოდებს

უკრაინის საგარეო საქმეთა სამინისტრო საქართველოს ხელისუფლებას საქართველოში დაკავებული უკრაინის ორი მოქალაქის საქმის სწრაფი და მიუკერძოებელი განხილვისკენ მოუწოდებს.

„ერთ-ერთი ბოლოდროინდელი გახმაურებული შემთხვევა, როდესაც უკრაინელებს თავიანთი ქვეყნისგან დაცვა დასჭირდათ, საქართველოს ხელისუფლების მიერ იახტის დაკავება იყო, რომელშიც უკრაინის ორი მოქალაქე ვოლოდიმირ დიაჩენკო და იური ხომიჩი და საქართველოს მოქალაქე მიხაილო ბატურინი იმყოფებოდნენ. უკრაინის საგარეო საქმეთა სამინისტროს წინააღმდეგ წაყენებული ბრალდებები ამ საქმეში უმოქმედობის შესახებ უსაფუძვლოა და საზოგადოება შეცდომაში შეჰყავს,“- აღნიშნულია განცხადებაში.

მათი თქმით, აღნიშნული საკითხი თბილისში უკრაინის საელჩოს მთავარ პრიორიტეტებს შორისაა.

„საელჩომ უამრავი შეხვედრა გამართა საქართველოს ხელისუფლებისა და პროკურატურის წარმომადგენლებთან მათი გათავისუფლების უზრუნველსაყოფად. ჩვენი საელჩოს კონსული დაეხმარა დაკავებულ უკრაინელებს ნათესავებთან დაკავშირებაში. უკრაინის საგარეო საქმეთა სამინისტრომ და საქართველოში უკრაინის საელჩომ გაგზავნეს შესაბამისი ნოტები და განახორციელეს შუამდგომლობები. უკრაინელი დიპლომატები ყველაფერს აკეთებენ, რაც შესაძლებელია და შეუძლებელია იახტაზე მყოფი პირების გასათავისუფლებლად,“- აღნიშნულია განცხადებაში.

უკრაინის საგარეო უწყება საქართველოს ხელისუფლებას აღნიშნული საქმის სწრაფად და მიუკერძოებლად განხილვისკენ მოუწოდებს.

„კიდევ ერთხელ მოვუწოდებთ საქართველოს ხელისუფლებას, განიხილონ ეს საქმე სწრაფად და მიუკერძოებლად, შეცვალონ აღკვეთის ღონისძიება და გაათავისუფლონ უკრაინის აღნიშნული მოქალაქეები,“- ნათქვამია განცხადებაში.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)