პარლამენტის საგარეო ურთიერთობათა კომიტეტის თავმჯდომარის ნიკოლოზ სამხარაძის განცხადებით, ოპოზიციას საპარლამენტო არჩევნების გაყალბების დამადასტურებელი რაიმე მტკიცებულება რომ ჰქონდეს, არა თუ პარლამენტის საგამოძიებო კომისიისთვის, მთელი მსოფლიოსთვის ექნება წარდგენილი.

სამხარაძის შეფასებით, ოპოზიცია არჩევნების გაყალბებაზე საკუთარი განცხადებების ტყვეობაშია.

"ოპოზიცია თავს კი არ იკავებს მტკიცებულებების წარდგენისგან, უბრალოდ, მათ მტკიცებულებები არ აქვთ! მათ რაიმე მტკიცებულებები რომ ჰქონდეთ, არა მხოლოდ დროებით საგამოძიებო კომისიაში, არამედ მერწმუნეთ, მთელს მსოფლიოში იქნებოდა ეს მტკიცებულებები ყველასთვის ნაჩვენები. ახლა მათი მთავარი პრობლემა არის ის, რომ არ აქვთ მტკიცებულებები და უბრალოდ, საკუთარი განცხადებების ტყვეობაში არიან", - განაცხადა ნიკოლოზ სამხარაძემ.