მიხეილ ყაველაშვილი “ევროპულ საქართველოზე” - არჩევნებზე მიღებული დაბალი პროცენტის თაობაზე ანალიზის ჩატარების უნარსაც ვერ ფლობენ, ვერ ფლობდნენ საზოგადოების მაჯისცემას და ეს იყო მათი პრობლემა
არჩევნებზე მიღებული დაბალი პროცენტის თაობაზე ანალიზის ჩატარების უნარსაც ვერ ფლობენ, ვერ ფლობდნენ საზოგადოების მაჯისცემას და ეს იყო მათი პრობლემა,- ამის შესახებ საპარლამენტო უმრავლესობის წევრმა მიხეილ ყაველაშვილმა ჟურნალისტებთან განაცხადა, რითაც “ევროპულ საქართველოში” მიმდინარე პროცესებს გამოეხმაურა.
მისი თქმით, "ევროპული საქართველო" ყოველთვის აცდენილი იყო რეალობას.
“მათი ლიდერები ხალხის სახელით ლაპარაკობდნენ, თითქოს ხელისუფლებაში იყვნენ და ისევ უმრავლესობას ფლობდნენ, ამ დროს არჩევნებზე მიღებული დაბალი პროცენტის თაობაზე ანალიზის ჩატარების უნარსაც ვერ ფლობენ და ეს იყო კარგად დასანახი, ამან მოიტანა შედეგი. ხშირად საუბრობდნენ საზოგადოებაში, მედიასაშუალებებშიც თითქოს ყველაზე მეტად წარმოდგენილები იყვნენ, მაგრამ მათ ხალხში არ ჰქონდათ მხარდაჭერა, ვერ ფლობდნენ საზოგადოების მაჯისცემას და ეს იყო მათი პრობლემა,"- განაცხადა ყაველაშვილმა.
v-if="article.gallery" v-html="article.gallery"
