აქტივისტების განცხადებით, "ქართული ოცნების" ოფისთან სამართალდამცველებსა და აქტივისტებს შორის დაპირისპირების დროს პოლიციამ 2 ადამიანი დააკავა.
მათი ინფორმაციით, დაკავებულია ნიკა ნარსია და რუსკა მჭედლიძე.
ამასთან, პოლიციასა და აქციის მონაწილეებს შორის დაპირისპირების დროს 2 პირი შეუძლოდ გახდა.
სამოქალაქო აქტივისტები ქობულეთში 14 წლის გოგოს თვითმკვლელობის საქმეზე ხელისუფლებას უმოქმედობაში ადანაშაულებენ და ფაქტის გასაპროტესტებლად აქციას მართავენ. მათი განცხადებით, "ქართული ოცნების" ოფისის მიმდებარე ტერიტორიიდან შსს-ს შენობასთან გადაინაცვლებენ.