დავით ზილფიმიანი - იმ მელიას შვილისთვის, რომელმაც მე ბევრი სტენტი ჩამისვა, იმუნიტეტის მოხსნას მხარს ვერაფრით დავუჭერ

ლაპარაკია გირაოს გირაოზე - ჩემთვის ეს გაუგებარია. მხოლოდ ის, რომ ამას ითხოვს პროკურატურა, ჩემთვის შეიძლება საკმარისი არ იყოს. თუმცა გადაწყვეტილება მიღებული გვაქვს, რომ მხარს არ დავუჭერთ მელიასთვის იმუნიტეტის შეჩერებას,- ამის შესახებ "ევროპელი სოციალისტების" წარმომადგენელმა დავით ზილფიმიანმა ჟურნალისტებთან განაცხადა.

მისი თქმით, იურიდიული ნორმა ყველასთვის ერთი უნდა იყოს, თუმცა, ოპოზიციონერი კოლეგის მიმართ სოლიდარულები უნდა იყვნენ.

„იმ მელიას შვილისთვის, რომელმაც მე ბევრი სტენტი ჩამისვა, მისთვის იმუნიტეტის მოხსნას მხარს ვერაფრით ვერ დავუჭერ. სერიოზულ ნოტაზე რომ ვთქვათ, მაინც არ დავუჭერ მხარს, იმ მიზეზით, რომ ამ ნაწილში მაინც სოლიდარულები უნდა ვიყოთ ოპოზიციონერები. ეს ფორმალური ნაწილია. გულით მინდა გავიგო, რა ნორმებით ხდება ამ გადაწყვეტილების მიღება. აქ ლაპარაკია გირაოს გირაოზე, ჩემთვის ეს გაუგებარია. მხოლოდ ის, რომ ამას ითხოვს პროკურატურა, ეს ჩემთვის შეიძლება საკმარისი არ იყოს. თუმცა გადაწყვეტილება მიღებული გვაქვს, რომ მხარს არ დავუჭერთ.

თუკი იურიდიული ნორმა ყველასთვის ერთი და იგივე უნდა იყოს, ჟურნალისტი ხარ თუ პოლიტიკოსი, ეს ნორმა ყველამ უნდა შეასრულოს. იმ ნაწილზე ვსაუბრობ, რომელიც სადაოა. რას ნიშნავს, გირაოს გირაო? ნებისმიერ შემთხვაში გადაწყვეტილი გვაქვს, რომ მხარი არ დავუჭიროთ, ოპოზიციონერი კოლეგაა. თუმცა, რადგან სადაოა საკითხი, იმის მიმდევრად ვრჩები, რომ საქართველოში შერჩევითი სამართალი არ უნდა იყოს. ყველა ერთნაირად უნდა დაისაჯოს ან არ დაისაჯოს. მე არ ვიცნობ ამ საქმის იურიდიულ სეგმენტს, თუმცა, ჩვენი რწმენით, მხარს არ დავუჭერთ,"- განაცხადა ზილფიმიანმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს